Indian Army: भारतीय सैन्यातील हवालदाराला किती असतो पगार? जाणून घ्या संपूर्ण माहिती

Indian Army Sepoy Salary: भारतीय लष्करातील हवालदारांची भरती देशात अनेक ठिकाणी सुरू आहे. यामध्येच अनेक नवीन भरती प्रक्रिया राभवण्यात येतात.

Indian Army

Indian Army Sepoy Salary: भारतीय लष्करातील हवालदारांची भरती देशात अनेक ठिकाणी सुरू आहे. यामध्येच अनेक नवीन भरती प्रक्रिया राभवण्यात येतात. ज्यात लाखोंच्या संख्येने तरुण सहभागी होतात. यातच निवड झालेल्या सैनिकांना प्रशिक्षणातूनच पगार व इतर सुविधा देण्यात येतात. सैन्यातील जवानांपासून ते जनरलपर्यंत सर्वांना सातव्या वेतन आयोगाअंतर्गत (7th pay commission) पगार आणि इतर सुविधा दिल्या जातात.

लष्करात एकूण 17 हून अधिक पदे आहेत. यामध्येच सर्वाना वेगवेगळा पगार आहे. यात सैनिक हा सर्वात खालचा दर्जा आहे. हे सैनिक सीमेवर दहशतवादी, शत्रू देशाच्या फौजांशी आणि घुसखोरांशी लढतात. सैनिक हवालदारांमध्ये दोन तुकड्या आहेत. ज्यात पहिली तुकडी X आणि दुसरी तिकडी Y नावाने ओळखली जाते.

लष्कर हवालदार (X) ला 26900 रुपये पगार मिळतो. यात 5200-20220+1400+2000+DA मिळतो. तर हवालदार (Y) ला 5200-20200+2000+2000+DA मिळते. या श्रेणीतील वेतन सुमारे 27100 रुपये आहे. याशिवाय आजीवन पेन्शन, 60 दिवसांची वार्षिक रजा, 20 दिवसांची कॅज्युअल रजा, मागील पगारावर आधारित कमाल 300 दिवसांच्या रजेच्या बदल्यात वेतन, दोन वर्षांची अभ्यास रजा, इत्यादी सुविधांचा समावेश आहे. एवढेच नाही तर आयएमए, ओटीए, सीएमई, एमसीएमई आणि एमसीटीईमधील कॅडेट ट्रेनिंग विंगमध्ये 21 हजार रुपये निश्चित मासिक वेतन दिले जाते.

याशिवाय विमान, रेल्वे प्रवासावर सवलत. मिलिटरी हॉस्पिटलमध्ये मोफत उपचार, कमी व्याजावर कर्ज, कॅन्टीन सुविधा, रेशन आदी सुविधा उपलब्ध आहेत. पगाराबाबत सैनिकाला कोणत्याही प्रकारचे दडपण नसावे, अशी सरकारची इच्छा आहे. कारण जेव्हा तो सीमेवर तैनात असतो तेव्हा त्याचा पगार त्याच्या कुटुंबीयांसाठी उपयोगी पडतो. 

इतर महत्त्वाच्या बातम्या: