दोन हजारच्या नोटबद्दलच्या अफवा आणि सत्य

नवी दिल्ली : बाजारात नव्याने येणाऱ्या दोन हजाराच्या नोटमध्ये 'नॅनो जीपीएस चीप' असून सॅटेलाईटच्या माध्यमातून ही नोट कुठे ठेवली त्याची माहिती मिळवता येईल, अशी अफवा आहे. मात्र यामध्ये कसलीही जीपीएस यंत्रणा नसेल, असं रिझर्व्ह बँक ऑफ इंडियाच्या वतीने स्पष्ट करण्यात आलेल्या माहितीतून समोर आलं आहे. पंतप्रधान नरेंद्र मोदींनी पाचशे आणि हजारांच्या नोटा चलनातून बाद करण्याचा निर्णय जाहिर करुन सर्वांना धक्का दिला. सोबतच दोन हजार आणि पाचशेच्या नव्या नोटाही चलनात नव्याने दाखल होणार आहेत. दोन हजाराच्या नोटमध्ये ट्रॅकिंग प्रणाली असेल. ही नोट 120 मीटरपर्यंत जमिनीत ठेवली तरीही त्याची माहिती मिळेल, असे मेसेज सोशल मीडियावर व्हायरल होत आहेत. या अफवेला आता आरबीआयनेच पूर्ण विराम दिला आहे. अर्थ सचिव अशोक लवासा यांनी दोन हजारांच्या नोटांविषयी माहिती देताना यामध्ये हाय सिक्युरीटी असेल असं सांगितलं. मात्र जीपीएस प्रणाली असेल असा उल्लेखही केला नाही. त्यामुळे यामध्ये ट्रॅकिंग प्रणाली नसल्याचं स्पष्ट झालं आहे. कशी असेल पाचशेची आणि 2 हजार रुपयांची नोट? पाचशेची नवी नोट राखाडी रंगाची असून त्यामागे लाल किल्ल्याचे चित्र असणार आहे. तर 2000 रुपयाची नोट गुलाबी रंगाची असून त्यामागे मंगळयानाचं चित्र छापण्यात येणार आहे. लवकरच या नव्या नोटा चलनात येतील, असे आरबीआयचे अध्यक्ष उर्जित पटेल यांनी सांगितलं.

संबंधित बातम्या :

नोटा रद्द करण्याच्या निर्णयाचं स्वागत : पवार

शेअर बाजारात मोठी घसरण, सेन्सेक्स 1000 अंकांनी गडगडला

500,1000च्या नोटांसंबंधी तुमच्या प्रत्येक प्रश्नाचं उत्तर!

नोटा रद्द करण्याच्या निर्णयानंतर सोन्याचा दर वधारला

एकच फाईट, वातावरण ताईट, सोशल मीडियावर विनोदांची त्सुनामी

टोलनाका, एटीएम, पेट्रोल पंपावर गर्दी, सामान्यांना मनस्ताप

आरबीआयकडून 500 आणि 2000 रुपयांच्या नव्या नोटांची झलक

देशभरातील सर्व एटीएम आज बंद, बँकांचे व्यवहारही ठप्प

कधीपर्यंत 500 आणि 1000 रुपयांच्या नोटा जमा करता येणार?

500 आणि 1000 रुपयांच्या नोटा कुठे जमा करता येणार?

500 आणि 1000 रुपयांच्या नोटा चलनातून रद्द