International Flights Resumed : परदेशवारी करू इच्छिणाऱ्या पर्यटकांसाठी चांगली बातमी आहे. तब्बल दोन वर्षाच्या प्रतीक्षेनंतर 27 मार्चपासून नियमित आंतरराष्ट्रीय हवाई वाहतुकीला हिरवा कंदील दिला आहे. कोरोनाचा प्रादुर्भाव ओसरत असल्याने हा निर्णय घेण्यात आला आहे. आंतरराष्ट्रीय विमानसेवेला परवानगी दिली असली तरी कोरोना नियमावलीचे काटेकोरपणे पालन करणे अनिवार्य असल्याचे केंद्र सरकारने म्हटले आहे.
हवाई वाहतूक राज्यमंत्री ज्योतीरादित्य शिंदे यांनी ट्वीट करत ही माहिती दिली आहे. ज्योतिरादित्य शिंदे म्हणाले, देशातील कोरोनाचा रुग्णसंख्या पाहता हा निर्णय घेण्यात आला आहे. देशातील कोरोनाची रुग्णसंख्या घटताना दिसत आहे त्यामुळे आम्ही 27 मार्चपासून आंतरराष्ट्रीय वाहतूक नियमित करण्याचा निर्णय घेतला आहे. त्यानंतर एअर बबल देखील बंद करण्यात येईल.
या अगोदर कोरोनाच्या वाढत्या प्रादुर्भावामुळे 23 मार्च 2022 पासून आंतरराष्ट्र विमानसेवेला बंदी घातली होती. त्याअगोदर 28 फेब्रुवारीला डीजीसीएने कमर्शिअल आंतरराष्ट्रीय विमानसेवेला पुढील आदेशापर्यंत बंद करण्याचे आदेश देण्यात आले होते.
संबंधित बातम्या :
भारतीय फ्लाईटमध्ये अमेरिकन जॅझ प्रमाणे भारतीय संगीत वाजणार, नागरी उड्डाण मंत्रालयाचं सर्व एअरलाईन्सला पत्र
Navi Mumbai Airport : नवी मुंबई विमानतळाची अंतिम तारीख ठरली, डिसेंबर 2024 ला पहिले विमान उडणार
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha