SBI मध्ये किमान 'एवढा' बॅलन्स नसेल, तर किती भुर्दंड बसेल?

मुंबई : देशातील अग्रणी बँक असलेल्या स्टेट बँक ऑफ इंडियानं बचत खात्यामध्ये किमान शिल्लक ठेवण्याची मर्यादा निश्चित केली आहे. यात मासिक किमान रक्कम खात्यामध्ये न ठेवल्यास ग्राहकांना दंडही भरावा लागणार आहे. याआधी स्टेट बँकेनं खात्यातील किमान रकमेची मर्यादा हटवली होती. त्यामुळे शून्य रुपयांमध्येही बचत खातेधारकांना आपलं अकाऊंट वापरता येत होतं. मात्र एप्रिल महिन्यापासून स्टेच बँकेनं ही मर्यादा पुन्हा ठेवली आहे. यात ग्रामीण, निमशहरी आणि शहरी भागानुसार किमान रकमेची मर्यादा ठेवण्यात आली आहे. दंडाची रक्कमही त्याच पटीत खात्यातून वळती केली जाणार आहे. काय आहे स्टेट बँक बचत खात्याची किमान रक्कम? ग्रामीण भाग 1000 रुपये निमशहरी भाग 2000 रुपये शहरी भाग 3000 रुपये महानगर 5000 रुपये ही किमान रक्कम खात्यात न बाळगल्यास खातेधारकांना दंडही भरावा लागणार आहे. हा दंड खात्यातून वळता केला जाईल. काय असेल दंडाची रक्कम? ग्रामीण 1000 रुपयांच्या खाली बँक खात्यातील शिल्लक आल्यास दंड भरावा लागणार आहे. 500 ते 1000 शिल्लक 20 रुपयांचा दंड 250 ते 500 शिल्लक 30 रुपयांचा दंड 0 ते 250 शिल्लक 50 रुपयांचा दंड निम शहरी किमान मर्यादा 2000 दंडाची रक्कम 1000 ते 2000 शिल्लक 25 रुपयांचा दंड 500 ते 1000 शिल्लक 50 रुपयांचा दंड 0 ते 499 शिल्लक 75 रुपयांचा दंड शहरी किमान मर्यादा 3000 दंडाची रक्कम 1500 ते 3000 शिल्लक 40 रुपयांचा दंड 750 ते 1500 शिल्लक 60 रुपयांचा दंड 0 ते 749 शिल्लक 80 रुपयांचा दंड महानगरीय भाग किमान मर्यादा 5000 दंडाची रक्कम 2500 ते 5000 शिल्लक 50 रुपयांचा दंड 1250 ते 2500 शिल्लक 75 रुपयांचा दंड 0 ते 1249 शिल्लक 100 रुपयांचा दंड