Ram Mandir Inauguration: अयोध्येतील राम मंदिराच्या कार्यक्रमात काँग्रेस सहभागी होणार नाही, भाजप आणि RSS चा इव्हेंट असल्याचा आरोप
Ram Mandir Inauguration: अयोध्येच्या कार्यक्रमासाठी काँग्रेस अध्यक्ष मल्लिकार्जुन खरगे आणि माजी अध्यक्षा सोनिया गांधी यांना निमंत्रण देण्यात आलं होतं. पण ते आता उपस्थित राहणार नाहीत.
Ram Mandir Inauguration: अयोध्येतील राम मंदिराच्या प्राणप्रतिष्ठापना कार्यक्रमासाठी काँग्रेस पक्षाच्या वरिष्ठ नेत्यांच्या सहभागाबाबत सुरू असलेल्या अटकळ आणि चर्चांना पूर्णविराम मिळाला आहे. काँग्रेस पक्षाने (Congress) हा संपूर्ण कार्यक्रम आरएसएस आणि भाजपचा कार्यक्रम असल्याचे सांगत त्या कार्यक्रमाला उपस्थित न राहण्याची भूमिका जाहीर केली आहे.
अयोध्येतील कार्यक्रमाला सोनिया गांधी आणि काँग्रेस अध्यक्ष मल्लिकार्जुन खरगे उपस्थित राहणार नसल्याचे काँग्रेस पक्षाने स्पष्ट केले आहे. यासोबतच लोकसभेतील विरोधी पक्षनेते अधीर रंजनही यात सहभागी होणार नाहीत. या नेत्यांनी राम मंदिराच्या अभिषेकसंदर्भातील निमंत्रण नाकारले आहे.
Here is the statement of Shri @Jairam_Ramesh, General Secretary (Communications), Indian National Congress. pic.twitter.com/JcKIEk3afy
— Congress (@INCIndia) January 10, 2024
काँग्रेसची भूमिका काय?
काँग्रेसचे सरचिटणीस जयराम रमेश यांनी एक निवेदन जारी करून म्हटले आहे की, "गेल्या महिन्यात काँग्रेस अध्यक्ष मल्लिकार्जुन खरगे, काँग्रेस संसदीय पक्षाच्या अध्यक्षा सोनिया गांधी आणि लोकसभेतील काँग्रेस संसदीय पक्षाचे नेते अधीर रंजन चौधरी यांना अयोध्येतील राम मंदिराच्या उद्घाटनाचे निमंत्रण मिळाले होते. कोट्यवधी भारतीय प्रभू रामाची पूजा करतात. धर्म ही माणसाची वैयक्तिक बाब आहे, पण गेल्या काही वर्षांत भाजप आणि आरएसएसने अयोध्येतील राम मंदिराला राजकीय प्रकल्प बनवले आहे.
जयराम रमेश पुढे म्हणाले, "निवडणुकीत फायदा मिळवण्यासाठी अर्ध्या बांधलेल्या मंदिराचे उद्घाटन केले जात असल्याचे स्पष्ट झाले आहे. सर्वोच्च न्यायालयाचा 2019 चा निर्णय स्वीकारून आणि लोकांच्या श्रद्धेचा आदर करून मल्लिकार्जुन खर्गे, सोनिया गांधी, अधीर रंजन चौधरी यांनी या कार्यक्रमासाठी भाजप आणि आरएसएसचे निमंत्रण आदरपूर्वक नाकारले."
22 जानेवारी रोजी होणाऱ्या राम मंदिर प्राण सोहळ्याला उपस्थित राहण्यासाठी पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांच्यासह 6 हजारांहून अधिक लोकांना निमंत्रण पाठवण्यात आले आहे.
कोणते नेते उपस्थित नाहीत?
सोनिया गांधी, मल्लिकार्जुन खर्गे आणि अधीर रंजन चौधरी यांच्याशिवाय पश्चिम बंगालच्या मुख्यमंत्री ममता बॅनर्जी देखील या कार्यक्रमाला उपस्थित राहणार नाहीत. माकपचे नेते सीताराम येचुरी यांनीही हे निमंत्रण नाकारले आहे.
लोकसभा निवडणुकीपूर्वी अयोध्येत राम मंदिराचे उद्घाटन करून भाजप नाटक करत असल्याचा आरोप तृणमूल काँग्रेसच्या प्रमुख ममता बॅनर्जी यांनी केला आहे. धार्मिक आधारावर लोकांमध्ये फूट पाडण्यावर माझा विश्वास नाही असंही त्या म्हणाल्या.
महत्त्वाच्या बातम्या
