PM Kisan Yojana : केंद्र सरकारची पीएम किसान सन्मान निधी योजना ही शेतकऱ्यांसाठी सर्वात महत्वाकांक्षी योजना आहे. या योजनेच्या माध्यमातून केंद्रातील मोदी सरकार शेतकऱ्यांना दरवर्षी 6,000 रुपयांची आर्थिक मदत करते. या योजनेद्वारे दिलेली आर्थिक मदत सरकारकडून शेतकऱ्यांच्या खात्यात वर्षभरात तीन हप्त्यांमध्ये वर्ग केली जाते, परंतु आता या योजनेच्या नोंदणीच्या नियमांमध्ये (PM Kisan Yojana) मोठे बदल करण्यात आले आहेत. आता सर्व शेतकऱ्यांना नोंदणी करताना त्यांच्या शिधापत्रिकेची माहितीही द्यावी लागणार आहे.
शेतकऱ्यांची फसवणूक थांबवण्यासाठी सरकारकडून मोठा बदल
पीएम किसान योजनेत शेतकऱ्यांची होणारी फसवणूक थांबवण्यासाठी सरकारने हा मोठा बदल केला आहे. आता तुम्हाला नोंदणी करताना रेशन कार्ड (पीएम किसान योजनेसाठी आवश्यक कागदपत्रे) अपलोड करावे लागतील, अन्यथा तुम्हाला पुढील हप्त्याचा लाभ मिळणार नाही. यासोबतच सरकारने योजनेचे ई-केवायसी करणेही बंधनकारक केले आहे.
योजनेत केले मोठे बदल
पीएम किसान योजनेअंतर्गत, तुम्हाला तुमच्या रेशन कार्डची पीडीएफ प्रत पोर्टलवर (PM Kisan Portal) अपलोड करावी लागेल. यासोबतच आधार कार्ड, खतौनी, बँक पासबुक आदींच्या हार्ड कॉपी जमा करण्याची अटही काढून टाकण्यात आली आहे. यानंतर तुम्हाला फक्त रेशन कार्ड अपलोड आणि ई-केवायसीची प्रक्रिया पूर्ण करावी लागेल. त्यानंतर तुम्हाला या योजनेचा लाभ मिळण्यास सुरुवात होईल.
ई-केवायसी आवश्यक
सरकारने शेतकऱ्यांना ई-केवायसी (PM Kisan Yojana KYC) घेण्यासाठी 31 जुलै 2022 पर्यंत वेळ दिला आहे. ही प्रक्रिया पूर्ण न केलेल्या शेतकऱ्यांना 11 व्या हप्त्याचाही लाभ मिळालेला नाही. अशा प्रकारे, जर तुम्ही केवायसी केले नसेल, तर ते लवकरात लवकर पूर्ण करा.
संबंधित बातम्या
Nagpur : प्रधानमंत्री किसान सन्मान निधी योजना; ऑनलाईन केवायसीसाठी 31 जुलैपर्यंत मुदतवाढ
PM Kisan Samman Nidhi : शेतकऱ्यांच्या खात्यात आज जमा होणार अकरावा हफ्ता, यादीत आपलं नाव कसं शोधाल?