Petrol-Diesel Price Today 22th August 2022 : इंडियन ऑईल कॉर्पोरेशन (IOCL) ने पेट्रोल-डिझेलचे (Petrol-Diesel) आजचे दर जाहीर केले आहेत. आजही देशातील पेट्रोल-डिझेलच्या किमतींमध्ये कोणताही बदल करण्यात आलेला नाही. एकीकडे देशात पेट्रोल (Petrol) -डिझेलचे दर (Diesel Price) स्थिर आहेत. तर, दुसरीकडे आंतरराष्ट्रीय बाजारात कच्च्या तेलाच्या दरांत सातत्यानं चढ-उतार पाहायला मिळत आहे. देशात सर्वात शेवटी 22 मे रोजी पेट्रोल-डिझेलच्या किमतींमध्ये बदल करण्यात आला होता.  

इंडियन ऑइल कॉर्पोरेशन (IOCL) च्या अधिकृत वेबसाइट iocl.com नं जारी केलेल्या दरांनुसार, आज देशातील पेट्रोल-डिझेलच्या किमतींमध्ये कोणतीही वाढ अथवा घट केलेली नाही. नव्या पेट्रोल-डिझेलच्या दरांनुसार, आजही देशातील पेट्रोल-डिझेलच्या किमती स्थिर आहेत. देशाची आर्थिक राजधानी असणाऱ्या मुंबईत पेट्रोल 106.31 रुपये प्रति लिटर आणि डिझेल 94.27 रुपये प्रति लिटर दरानं विकलं जात आहे. तर देशातील राजधानीचं शहर असणाऱ्या दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर दरानं विकलं जात आहे.

आंतरराष्ट्रीय बाजारात कच्च्या तेलाच्या किमती 

आंतरराष्ट्रीय बाजारात कच्च्या तेलाच्या किमतींमध्ये आज मोठी घसरण झाल्याचं पाहायला मिळत आहे. ती पुन्हा 95 डॉलर्सच्या आसपास खाली आली आहे. WTI क्रूडचे दर प्रति बॅरल 90 डॉलर्सच्या खाली गेलं आहे आणि आज ते प्रति बॅरल 89.65 डॉलरवर पोहोचलं आहे. तसेच, जागतिक तेल बेंचमार्क ब्रेंट क्रूड प्रति बॅरल 95.51 डॉलरवर कायम आहे.

मोदी सरकारनं 21 मे रोजी पेट्रोल (Petrol) -डिझेलच्या (Diesel) दरांवरील उत्पादन शुल्कात कपात केली होती. तेव्हापासून देशात पेट्रोल 9.50 रुपये आणि डिझेल 7 रुपये प्रति लिटरनं स्वस्त झालं आहे. तर राज्यात सत्तापालट झाल्यानंतर नवनिर्वाचित शिंदे-फडणवीस सरकारनं 14 जुलै रोजी पेट्रोल आणि डिझेलच्या दरांमध्ये अनुक्रमे 5 रुपये आणि 3 रुपयांची कपात केली होती. तेव्हापासून राज्यातही पेट्रोल डिझेलचे दर स्थिर आहेत. 

महाराष्ट्रातील इतर शहरांतील पेट्रोल-डिझेलचे दर

शहरपेट्रोलच्या किमती डिझेलच्या किमती
मुंबई106.2594.22
पुणे 10592
नागपूर 106.0392.58
नाशिक106.7493.23
हिंगोली107.2993.80
परभणी108.9295.30
धुळे 106.0592.58 
नांदेड 108.2494.71
रायगड 105.9692.47
अकोला 106.0592.55
वर्धा 106.5693.10
नंदुरबार 106.9993.45
वाशिम106. 3793.37
चंद्रपूर106.1492.70
सांगली 105.9692.54
जालना107.76 94.22

पेट्रोल आणि डिझेलचे दर (Petrol Diesel Price ) कुठे आणि कसे पाहाल?

इंडियन ऑईलचं  IndianOil ONE Mobile App  तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).