Petrol-Diesel Price Today 14th July 2022 : जगभरात आर्थिक मंदी येण्याची शक्यता अर्थतज्ज्ञांकडून व्यक्त केली जात आहे. असं असतानाही आंतरराष्ट्रीय बाजारात मात्र कच्च्या तेलाच्या किमतींमध्ये सातत्यानं घट होत असल्याचं पाहायला मिळत आहे. आज कच्च्या तेलाच्या किमतींमध्ये घट झाली असून दर 100 डॉलर प्रति बॅरलच्या खाली पोहोचले आहेत. अशातच देशांतर्गत बाजारात मात्र पेट्रोल-डिझेलचे दर (Petrol-Diesel Price) जवळपास दोन महिन्यांपासून स्थिर आहेत. गेल्या आठवड्यात भारतीय तेल कंपन्यांनी एलपीजी गॅस सिलेंडरच्या किमतींमध्ये वाढ केली होती. परंतु, पेट्रोल-डिझेलच्या किमतींमध्ये कोणताही बदल करण्यात आलेला नाही.
कच्च्या तेलाच्या किमती आणखी घटणार?
यापूर्वी 21 मे रोजी केंद्र सरकारनं पेट्रोल (Petrol Price) -डिझेलच्या किमती कमी करण्याची घोषणा केली होती. त्यानंतर पेट्रोल 9.50 रुपये आणि डिझेल (Diesel Price) रुपये स्वस्त होता. तेव्हापासून देशातील पेट्रोल-डिझेलचे दर स्थिर आहेत. त्यांच्यात कोणताही बदल करण्यात आलेला नाही.
मीडिया रिपोर्ट्सनुसार, कच्च्या तेलाच्या किमती आणखी कमी होण्याची शक्यता आहे. दुसरीकडे, कच्चं तेल प्रति बॅरल 100 डॉलरच्या खाली आलं आहे. WTI क्रूडची किंमत प्रति बॅरल 96 डॉलरवर पोहोचली आहे. तर ब्रेंट क्रूड प्रति बॅरल 99 डॉलरवर पोहोचली आहे.
महाराष्ट्रातील महत्त्वाच्या शहरांतील दर काय?
आज पुण्यात पेट्रोलचा दर प्रति लिटर 110.88 रुपये तर डिझेलचा दर 95.37 रुपये प्रति लिटर आहे. नाशिकमध्ये पेट्रोलचा दर प्रतिलिटर 111.74 रुपये तर डिझेलचा दर 96.20 रुपये प्रति लिटर आहे. नागपुरात पेट्रोलचा दर प्रति लिटर 111.08 रुपये तर डिझेलचा दर 95.59 रुपये प्रति लिटर आहे. कोल्हापुरात पेट्रोलचा दर प्रति लिटर 111.34 रुपये तर डिझेलचा दर 95.84 रुपये प्रति लिटर आहे.
देशातील महानगरांत पेट्रोल-डिझेलचे दर काय?
देशाची आर्थिक राजधानी असलेल्या मुंबईत इंधन दर स्थिर आहे. देशाची आर्थिक राजधानी असणाऱ्या मुंबईत पेट्रोलचा दर 111.35 रुपये तर डिझेलचा दर 97.28 रुपये प्रतिलिटर आहे. तर देशाच्या राजधानीचं शहर असणाऱ्या दिल्लीतही पेट्रोल-डिझेलचे दर स्थिर आहेत. राजधानी असलेल्या दिल्लीत 1 लिटर पेट्रोलची किंमत 96.72 रुपये आणि 1 लिटर डिझेलची किंमत 89.62 रुपये आहे. चेन्नईमध्ये पेट्रोलचे दर 102.63 रुपये तर, डिझेलचा दर 94.24, कोलकातामध्ये पेट्रोलचा दर 106.03 रुपये आणि डिझेलचा दर 92.76 रुपये प्रतिलिटर आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).