डॉ. झाकीर नाईकला आज अटक?

मुंबई : मुस्लीम धर्मगुरु डॉ. झाकीर नाईक आज भारतात परतण्याची शक्यता आहे. प्रक्षोभक भाषणांविरोधात मुंबई पोलिस डॉ. नाईकविरोधात अटकेची कारवाई करण्याची शक्यता आहे.     बांग्लादेशातील एका हॉटेलवर झालेल्या दहशतवादी हल्ल्यात सहभागी तरुण डॉ. झाकीर नाईकच्या भाषणाने प्रेरित झाल्याचे बोललं जात आहे. त्यानंतर नाईकवर कारवाई करण्याची मागणी करण्यात येत आहे. तसंच बांगलादेशमध्ये झाकीर नाईकच्या पीसी टीव्ही चॅनेलच्या प्रसारणावर बंदी घालण्यात आली आहे.

बांग्लादेशमध्ये झाकिर नाईकच्या पीस टीव्हीवर बंदी

  मुस्लीम धर्म वगळता इतर धर्मांबद्दल नाईकने आक्षेपार्ह विधानं केल्याचा त्याच्यावर आरोप आहे. राज्य सरकार झाकीरच्या भाषणांची तपासणी करत आहे.     बांगलादेशमध्ये बंदी घातल्यानंतर आता भारतातही डॉ. नाईकच्या पीस टीव्हीवर बंदी घालण्याची तयारी केंद्र सरकारने केली आहे. इतकंच नाही तर आणखी पाच देशांमध्ये नाईकवर बंदी आहे.  

डॉ. झाकीर नाईकांची भाषणं आक्षेपार्ह, आयबीचा दीड वर्षांपूर्वीच अहवाल

  त्यामुळे डॉ. झाकीर नाईक आज भारतात परतल्यास नेमक्या काय घडामोडी घडणार ते पाहणं महत्त्वाचं ठरणार आहे.