भीमा-कोरेगाव हिंसाचारामागे भाजप आणि संघाचा हात : मायावती

'या घटनेमागे भाजप, आरएसएस आणि काही जातीयवादी संघटनांचा हात आहे.'

लखनौ : भीमा-कोरेगावमध्ये झालेल्या घटनेनंतर आज (बुधवार, 3 जानेवारी) महाराष्ट्र बंदची हाक देण्यात आली आहे. याच संपूर्ण घटनेविषयी उत्तरप्रदेशच्या माजी मुख्यमंत्री मायावती यांनी भाजप आणि राष्ट्रीय स्वयंसेवक संघावर निशाणा साधला. भीमा-कोरेगावमधील घटनेला भाजप आणि आरएसएस जबाबदार असल्याचा आरोप मायावतींनी केला आहे. 'या घटनेमागे भाजप आणि आरएसएसचा हात आहे. कारण तिथं सुरक्षेच्या दृष्टीने पुरेशी उपाययोजनाच करण्यात आल्या नव्हत्या. ही घटना रोखता आली असती. सरकारनं तिथं चोख सुरक्षा व्यवस्था ठेवायला हवी होती.' असं मायावती यावेळी म्हणाल्या. दरम्यान, यावेळी त्यांनी भाजपवरही जोरदार निशाणा साधला. 'या घटने मागे भाजप, आरएसएस आणि काही जातीयवादी संघटनांचा हात आहे.' असंही त्या यावेळी म्हणाल्या.

Yeh jo ghatna ghati hai yeh roki ja sakti thi. Sarkaar ko wahan suraksha ka uchit prabandh karna chahiye tha. Wahan BJP ki sarkaar hai aur unhone wahan hinsa karayi, lagta hai iske peeche BJP,RSS aur jaati wadi takaton ka haath hai: BSP Chief Mayawati on #BhimaKoregaonViolence pic.twitter.com/RZAPKYsYWr

— ANI UP (@ANINewsUP) January 2, 2018

मायावती यांच्याआधी काँग्रेस अध्यक्ष राहुल गांधी यांनही आरएसएस आणि भाजपवर निशाणा साधला होता. 'दलित समाज कायम तळागाळातच राहावा हाच भाजप, संघाच्या कट्टरवादी विचारांचा पाया आहे. आधी उना, मग रोहित वेमुला आणि आता भीमा-कोरेगाव ही त्याची प्रतिकं आहेत.' असं ट्वीट करुन त्यांनी भाजपवर टीकास्त्र सोडलं होतं. VIDEO :