'त्या' शहीद मेजरचे पुढच्या महिन्यात लग्न होते, लग्नपत्रिका व्हायरल

जम्मू-काश्मीमधील नौशेरा येथे दहशतवाद्यांनी आयईडीचा (IED: Improvised explosive device) स्फोट घडवून आणला. या स्फोटात एक मेजर रॅन्क असलेला अधिकारी शहीद झाला. चित्रेशसिंह बिश्त असे या अधिकाऱ्याचे नाव आहे.

जम्मू : जम्मू-काश्मीमधील नौशेरा येथे दहशतवाद्यांनी आयईडीचा (IED: Improvised explosive device) स्फोट घडवून आणला. या स्फोटात एक मेजर रॅन्क असलेला अधिकारी शहीद झाला. चित्रेशसिंह बिश्त असे या अधिकाऱ्याचे नाव आहे. पुढील महीन्यात (7 मार्च रोजी)चित्रेश यांचे लग्न होते. लग्नाला अवघे तीन आठवडे उरले होते. त्याआधीच चित्रेश शहीद झाले आहेत. मेजर चित्रेश यांची लग्नपत्रिका सध्या सोशल मीडियावर व्हायरल होत आहे. जम्मू-काश्मीरमधील पुलवामा येथे दहशतवाद्यांनी गुरुवारी भारतीय जवानांवर हल्ला केला, या हल्ल्यात 40 जवान शहीद झाले. ही घटना ताजी असतानाच दहशतवाद्यांनी जम्मू-काश्मीरमध्ये अजून एक दहशतवादी कारवाई केली आहे. जम्मू-काश्मीमधील नौशेरा येथे दहशतवाद्यांनी आयईडीचा स्फोट घडवून आणला. या स्फोटात मेजर चित्रेश बिश्त शहीद झाले. चित्रेश यांच्यासोबत एक जवान जखमी झाल्याची माहिती मिळाली आहे. पुलवामा येथे दहशतवादी हल्ला झाल्यानंतर जम्मू-काश्मीरमध्ये हाय अलर्ट जारी करण्यात आला आहे. तरीसुद्धा अद्याप दहशतवादी कारवाया सुरुच असल्याचे पाहायला मिळत आहे. दहशतवाद्यांनी नौशेरा सेक्टरमध्ये आयईडीचा स्फोट केला. या स्फोटात एक अधिकारी शहीद झाला असून एक जवान जखमी झाला आहे. दहशतवाद्यांनी नियंत्रण रेषेपासून 1.5 किमी अंतरावर आयईडी ठेवला होता. याची माहिती जवानांना मिळाली. जवानांकडून आयईडी निकामी करण्याचे काम सुरु असताना त्याचा स्फोट झाला. असा रचला पुलवामा हल्ल्याचा कट, काश्मीरच्या खोऱ्यातून स्पेशल रिपोर्ट | एबीपी माझा