गेल्या 24 तासात देशात 1 लाख 67 हजार 59 नवीन कोरोना रुग्णांची नोंद, तर 1 हजार 192 जणांचा मृत्यू

सलग चौथ्या दिवशी देशात नव्या कोरोनाबाधितांच्या संख्येत घट झाली आहे. गेल्या 24 तासात देशात 1 लाख 67 हजार 59 नवीन कोरोनाचे रुग्णांची नोंद झाली.

corona

Corona New Cases Today : देशात कोरोना रुग्णांच्या संख्येत घट होताना दिसत आहे. सलग चौथ्या दिवशी देशात नव्या कोरोनाबाधितांच्या संख्येत घट झाली आहे. रुग्णसंख्येत घट जरी होत असली तरी कोरोनाचा धोका पूर्णपणे टळलेला नाही. गेल्या 24 तासात देशात 1 लाख 67 हजार 59 नवीन कोरोनाचे रुग्ण आढळून आले आहेत. तर  1 हजार 192 लोकांचा कोरोनामुळे मृत्यू झाल्याची माहिती केंद्रीय आरोग्य मंत्रालयाने दिली आहे. तर गेल्या 24 तासात 2 लाख 54 हजार 76 लोक कोरोनातून बरे झाले आहेत. देशात आत्तापर्यंत कोरोनाचे एकूण रुग्ण 4 कोटी 14 लाख 69 हजार 499 झाले आहेत. तर सध्या सक्रिय रुग्णांची संख्या ही 17 लाख 43 हजार 59 झाली आहे.

केंद्रीय आरोग्य मंत्रालयाने दिलेल्या माहितीनुसार, देशात आत्तापर्यंत 3 कोटी 92 लाख 30 हजार 198 लोक कोरोनातून बरे झाले आहेत. तर आत्तापर्यंत 4 लाख 96 हजार 242 लोकांचा देशात कोरोनामुळे मृत्यू झाला आहे. लसीकरणाचा विचार केला तर देशात आत्तापर्यंत 166 कोटीहून अधिक कोरोनाचे डोस देण्यात आले आहेत. देशात मोठ्या प्रमाणावर लसीकरणाची मोहिम सध्या देखील सुरू आहे. सध्या देशात कोरोनाचा पॉझिटिव्हीटी रेट हा 11.69 टक्के एवढा आहे.

India's daily cases drop below 2 lakh; the country reports 1,67,059 new #COVID19 cases, 1192 deaths and 2,54,076 recoveries in the last 24 hours

Active case: 17,43,059 (4.20%)
Daily positivity rate: 11.69%

Total Vaccination : 1,66,68,48,204 pic.twitter.com/7yjkgUUMB8

— ANI (@ANI) February 1, 2022

">

 

कोरोना रुग्णांची संख्या घटत असली तरी देशात कोरोना रुग्णांच्या मृत्यूचे प्रमाण दिवसेंदिवस वाढत असल्याचं समोर आलं आहे. केंद्रीय आरोग्य मंत्रालयाने जारी केलेल्या आकडेवारीनुसार, काल देशात 2 लाख 09 हजार 918 जणांना कोरोना रुग्णांची नोंद झाली होती. तर 959 रुग्णांचा कोरोनामुळे मृत्यू झाला आहे. आजची आकडेवारी म्हणजे मागील 24 तासाची आकडेवारी बघितली तर कोरोना रुग्णांच्या संख्येत घट झाली आहे. मात्र, कोरोनामुळे मृत्यू झालेल्या लोकांचा आकडा वाढला आहे. मागील 24 तासात देशात कोरोनामुळे 1 हजार 192 लोकांचा मृत्यू झाला आहे.

Koo App

Update on #COVID19 ▪️ 1,67,059 new cases, 2,54,076 recoveries in the last 24 hours ▪️ Active caseload currently stands at 17,43,059 ▪️ 11.69% daily positivity rate #IndiaFightsCorona https://pib.gov.in/PressReleasePage.aspx?PRID=1794042

View attached media content

- PIB India (@PIB_India) 1 Feb 2022

">

महाराष्ट्र राज्याचा विचार केला तर कोरोनाची रुग्णसंख्येत चढ-उतार दिसून येत आहे. गेल्या 24 तासात राज्यात कोरोनाच्या 15 हजार 140  नव्या रुग्णांची भर पडली असून 39 जणांचा मृत्यू झाला आहे. राज्यात गेल्या 24 तासात 35 हजार 423  रुग्ण कोरोनामुक्त होऊन घरी परतले आहेत.  काल राज्यात 91 नवीन ओमायक्रॉनबाधित रुग्णांची नोंद करण्यात आली आहे.  आतापर्यंत 3221 ओमायक्रॉनबाधितांची नोंद राज्यात  झाली आहे. त्यापैकी 1682 रुग्ण ओमायक्रॉनमुक्त झाले आहे. 

महत्त्वाच्या बातम्या: