"दया न दाखवता त्यांना मारुन टाका," कर्नाटकच्या मुख्यमंत्र्यांचा व्हिडीओ व्हायरल

या व्हिडीओमध्ये मुख्यमंत्री कुमारस्वामी "हल्लेखोराला कोणतीही दया न दाखवता मारुन टाका, असे सांगत आहेत.

बंगळुरु : कर्नाटकचे मुख्यमंत्री कुमारस्वामी यांच्या जेडीएस (जनता दल सेक्युलर)पक्षातील एका नेत्याची सोमवारी हत्या झाली. कुमारस्वामी या हत्येबाबत फोनवर बोलत असताना "हल्लेखोराला कोणतीही दया न दाखवता मारुन टाका, असे सांगत आहेत. कुमारस्वामी फोनवर बोलत असातानाचा व्हिडीओ सोशल मीडियावर व्हायरल होत आहे. त्यामुळे कुमारस्वामी नव्या वादात सापडले आहेत. व्हायरल झालेल्या व्हिडीओमध्ये कुमारस्वामी फोनवर कोणाला तरी सांगत आहेत की, "मारताना कोणत्याही गोष्टीची तमा बाळगू नका." परंतु यानंतर हे प्रकरण अंगाशी येईल असे लक्षात आल्यानंतर कुमारस्वामी यांनी मी असा कोणताही आदेश दिला नसल्याची प्रतिक्रिया देत सारवासारव केली. सोमवारी कर्नाटकमधील जेडीएसचे नेते नेते प्रकाश (50) यांची हत्या करण्यात आली. प्रकाश हे त्यांच्या कारने मद्दूरला जात असताना त्यांच्यावर हल्ला झाला. चार दुचाकीस्वारांनी त्यांच्यावर गोळीबार केला. या हल्ल्यात जबर जखमी झालेल्या प्रकाश यांना जवळच्या रुग्णालयात दाखल करण्यात आले. रुग्णालयात त्यांना मृत घोषित करण्यात आले.

#WATCH Karnataka CM HD Kumaraswamy caught on cam telling someone on the phone 'He(murdered JDS leader Prakash) was a good man, I don't know why did they murder him. Kill them (assailants) mercilessly in a shootout, no problem. (24.12.18) pic.twitter.com/j42dqiRs0a

— ANI (@ANI) December 25, 2018

प्रकाश यांच्या हत्येची माहिती मिळताच कुमारस्वामी खूप रागावले होते. तेव्हा ''प्रकाश चांगला माणूस होता. प्रकाशला मारणाऱ्या नराधमांना कोणतीही तमा न बाळगता ठार मारा. काहीही प्रॉब्लेम नाही. असे आदेश कुमारस्वामी फोनवर कोणालातरी देत असल्याचे व्हिडीओमध्ये पहायला मिळत आहे.

Karnataka CM: It(kill assailants mercilessly) was not my order, I was emotional at that moment. they (killers )are the reason for two murders and they were in jail. they came out on bail 2 days ago and killed another person(JDS leader Prakash), this is how they are misusing bail pic.twitter.com/fNgFuNbllf

— ANI (@ANI) December 25, 2018