Jammu Kashmir: जम्मू-काश्मीरमध्ये हिमवादळाचा तडाखा; नद्यांच्या प्रवाहात अडथळे, पिण्याच्या पाण्यासाठी नागरिकांचे हाल
Jammu Kashmir Avalanche : जम्मू-काश्मीरमध्ये मोठ्या प्रमाणात बर्फवृष्टी होत आहे. हिमस्खलनामुळे नद्यांच्या प्रवाहात अडथळे निर्माण झाले आहेत. यामुळे पिण्याच्या पाण्यासाठी नागरिकांचे हाल होत आहेत.
Jammu Kashmir Heavy Snowfall : जम्मू आणि काश्मीरमध्ये (Jammu Kashmir) जोरदार बर्फवृष्टी (Snowfall) होत आहे. येथे हिमवादळाचा जोरदार फटका बसत आहे. गुरेजमधील तुलेल परिसरातील दोन गावांमध्ये हिमस्खलन झालं आहे. सततच्या बर्फवृष्टीमुळे येथील जनजीवन विस्कळीत झालं आहे. हिमस्खलनामुळे नद्यांच्या प्रवाहात अडथळे निर्माण झाले आहेत. यामुळे पिण्याच्या पाण्यासाठी नागरिकांचे हाल होत आहेत. गुरेज सेक्टकमध्ये शुक्रवारी हिमस्खलन झाल्यामुळे नद्द्यांच्या किशनगंगा नदीच्या प्रवाहात अडथळे निर्माण झाले आहेत. यामुळे या परिसरात जलसंकट निर्माण झालं आहे. नागरिकांचे पिण्याच्या पाण्यासाठीही हाल होत आहेत.
हिमवृष्टीमुळे जनजीवन विस्कळीत
काश्मीर खोऱ्यात यंदाच्या मोसमातील मोठी बर्फवृष्टी पाहायला मिळत आहे. सर्वत्र बर्फाची चादर पसरली आहे. जम्मू-काश्मीरच्या गुरेझमधील तुलेल परिसरात हिमवृष्टीचा मोठा तडाखा बसला आहे. येथील दोन गावांमध्ये हिमस्खलन झाले आहे. या हिमस्खलनामुळे किशनगंगा नदीच्या मार्गात अडथळा निर्माण झाला आहे. त्यामुळे नदीच्या पाणीपुरवठ्यावर मोठा परिणाम झाला आहे. हिमस्खलनामुळे येथील विजिर्थल आणि नीरू गावात पाण्याचा प्रवाह रोखला गेला आहे.
Major #avalanche hits Gurez and #Baramullah in Jammu Kashmir, India#JammuKashmir #Gulmarg #snowfall #India#Avalanche pic.twitter.com/888EzMq0h6
— BRIJESH KUMAR TIWARI 🙏🔱🕉️😊🤗 (@brijeshrock2) February 1, 2023
अधिकाऱ्यांनी दिलेल्या माहितीनुसार, गुगरान तुलेलमध्ये हिमस्खलनामुळे अनेक वस्त्यांमध्ये पाणीपुरवठा विस्कळीत झाला आहे. प्रशासनाकडून या या भागातील परिस्थितीचा आढावा घेण्यासाठी पथके रवाना करण्यात आली आहेत. प्रशासनाने नागरिकांना सर्तकतेचे आवाहन केलं आहे. हवामान सुधारेपर्यंत प्रशासनाने नागरिकांना खबरदारी घेण्यास आणि किशनगंगा, पर्वत किंवा हिमस्खलनाचा धोका असलेल्या ठिकाणांपासून दूर राहण्यास सांगितलं आहे.
हिमाचल प्रदेश, उत्तराखंडमध्येही बर्फवृष्टी
पर्वतीय प्रदेशांमध्ये हिमवर्षाव सुरुच आहे. जम्मू आणि काश्मीरसह हिमाचल प्रदेश आणि उत्तराखंडमध्येही सतत बर्फवृष्टी सुरु आहे. हिमाचल प्रदेशातील आठ जिल्ह्यांमध्ये पाऊस आणि बर्फवृष्टीचा अंदाज हवामान खात्याने वर्तवला आहे. त्यानुसार अनेक ठिकाणी बर्फवृष्टी झाली आहे. हिमवृष्टीनंतर हिमाचल प्रदेशमधील 208 रस्त्यांवरील वाहनांची वाहतूक ठप्प झाली आहे. अनेक ठिकाणी वीजपुरवठाही खंडीत झाला आहे.
बद्रीनाथ धाम, हेमकुंड साहेब, रुद्रनाथ, नंदा घुंघटी, लाल माटी या परिसरात गेल्या काही दिवसांपासून बर्फवर्षाव सुरु आहे. सखल भागात अजूनही हलक्या पावसाच्या सरी कोसळत आहेत. तर दुसरीकडे बर्फवृष्टीमुळे गंगोत्री धाममधील मंदिर पूर्णपणे झाकलं गेले आहे. बर्फवृष्टीमुळे यमुनोत्री महामार्गावरील वाहतूक ठप्प झाली आहे. बर्फ हटवण्याचे काम सुरु आहे.
महत्त्वाच्या बातम्या
