भारतीय नौदलात 'आयएनएस वेला' पाणबुडीचा समावेश; पाकिस्तान-चीनवर राहणार नजर
Indian Navy INS vela भारतीय नौदलात आयएनएस वेला या पाणबुडीचा समावेश करण्यात आला आहे. या पाणबुडीमुळे भारतीय नौदलाची ताकद वाढणार आहे
INS Vela submarine : स्कॉर्पियन श्रेणीची चौथी पाणबुडी वेलाचा भारतीय नौदलात समावेश करण्यात आला आहे. आयएनएस वेलाचा समावेश झाल्यामुळे भारतीय नौदलाची ताकद वाढली आहे. यावेळी भारतीय नौदलाचे प्रमुख अॅडमिरल करमबीर सिंग यांनी पाकिस्तान आणि चीनच्या हालचालींवर भारताचे लक्ष असल्याचे म्हटले.
आयएनएस वेला ही चौथी भारतीय पाणबुडी आहे. कोरोना महासाथीमुळे काही अडचणी समोर आल्या होत्या. मात्र, त्यावर मात करण्याचा प्रयत्न झाल्याचे अॅडमिरल करमबीर सिंग यांनी म्हटले. आयएनएस वेलामुळे भारतीय नौदलाच्या ताकदीत वाढ झाली आहे. आजची गतिमान आणि गुंतागुंतीची सुरक्षा परिस्थिती पाहता, भारताच्या सागरी हितांचे रक्षण करण्यासाठी नौदलाची क्षमता वाढवण्यात आयएनएस वेला मोठी भूमिका बजावणार असल्याचे त्यांनी म्हटले.
नौदल प्रमुख म्हणून मी सर्वांचे आभार मानतो. माझ्या कार्यकाळात प्रत्यक्ष नियंत्रण रेषेवर आणि कोरोनाचे मोठे आव्हान होते. त्यानंतरही आम्ही दुसऱ्या देशांमधून लिक्विड ऑक्सिजन आणले. त्याशिवाय त्यांना मदतही केली. आम्ही चीन आणि पाकिस्तानमध्ये सुरू असलेल्या परस्पर सहकार्यावरही आमचे लक्ष असल्याचे त्यांनी सांगितले.
प्रोजेक्ट 75 अंतर्गत 6 पाणबुड्यांची निर्मिती
प्रोजेक्ट 75 अंतर्गत सहा पाणबुड्यांची निर्मिती करण्यात येणार आहे. यातील तीन पाणबुड्या याआधीच भारतीय नौदलात रुजू झाल्या आहेत. आज चौथी पाणबुडी दाखल झाली आहे. आयएनएस वेलामध्ये अॅडवान्स एकॉस्टिक सायलेन्सिंग तंत्रज्ञान आहे. रेडिएटिड नॉइस लेव्हलही कमी आहे. पाणबुडी ही हायड्रो-डायनामिक आहे. लक्ष्याचा अचूक निशाणा साधण्यासह शत्रूला मोठा धक्का देण्याची क्षमता या पाणबुडीमध्ये आहे.
आयएनएस विशाखापट्टणम युद्धनौकेचा समावेश
स्वदेशी बनावटीची आयएनएस विशाखापट्टणम या अत्याधुनिक युद्धनौकेचा रविवारी भारतीय नौदलात समावेश करण्यात आला आहे.विशाखापट्टणम' ही विनाशिका माझगाव डॉकने तयार केली आहे.
बराक, ब्राम्होस, अॅन्टी सबमरिन, रॉकेट लॉन्चर अशा अनेक सुविधांनी सुसज्ज असलेल्या आएनएस विशाखापट्टणममुळे शत्रूच्या उरात धडकी भरणार आहे. विशाखापट्टणमचे वजन तब्बल साडेसात हजार टन इतकं आहे आणि त्याची लांबी 164 मीटर इतकी आहे. कुठल्याही रडारमध्ये सहज टिपली जाणार नाही, हे 'विशाखापट्टणम'चे सर्वांत महत्त्वाचे वैशिष्ट्य आहे.
महत्त्वाच्या बातम्या
