Ranjani Srinivasan : कोलंबिया विद्यापीठात शिकणाऱ्या भारतीय विद्यार्थिनीचा व्हिसा रद्द, स्वत:हून अमेरिका सोडली

रंजनीला एफ-1 स्टुडंट व्हिसाखाली कोलंबिया विद्यापीठात अर्बन प्लॅनिंगमध्ये पीएचडी करण्यासाठी प्रवेश मिळाला होता. अमेरिकेच्या परराष्ट्र खात्याने रंजनीचा व्हिसा 5 मार्च रोजी रद्द केला होता.

Ranjani Srinivasan

Source : facebook

Columbia University : अमेरिकेतील कोलंबिया विद्यापीठात शिकणाऱ्या भारतीय विद्यार्थिनी रंजनी श्रीनिवासनचा व्हिसा रद्द करण्यात आला आहे. यूएस डिपार्टमेंट ऑफ होमलँड सिक्युरिटी (DHS) ने आरोप केला आहे की रंजनी श्रीनिवासन 'हिंसा-दहशतवादाला प्रोत्साहन' आणि हमासला पाठिंबा देणाऱ्या कारवायांमध्ये गुंतली होते. व्हिसा रद्द झाल्यानंतर रंजनी अमेरिकेतून निघून गेली.

तर त्यांना या देशात राहू देऊ नये 

डीएचएसच्या म्हणण्यानुसार, रंजनीला एफ-1 स्टुडंट व्हिसाखाली कोलंबिया विद्यापीठात अर्बन प्लॅनिंगमध्ये पीएचडी करण्यासाठी प्रवेश मिळाला होता. अमेरिकेच्या परराष्ट्र खात्याने रंजनीचा व्हिसा 5 मार्च रोजी रद्द केला होता. रंजनीने 11 मार्च रोजी स्वतःहून अमेरिका सोडली. DHS सचिव क्रिस्टी नोएम म्हणाल्या की, जर कोणी हिंसाचार आणि दहशतवादाचे समर्थन करत असेल तर त्यांना या देशात राहू देऊ नये.

ट्रम्प प्रशासनाने कोलंबिया विद्यापीठाला 33 अब्ज रुपयांची मदत थांबवली

दरम्यान, गेल्या आठवड्यात, ट्रम्प प्रशासनाने कोलंबिया विद्यापीठावर कठोर कारवाई केली आणि US $ 400 दशलक्ष (सुमारे 33 अब्ज रुपये) चे अनुदान रद्द केले. ज्यू विद्यार्थ्यांचा छळ थांबवण्यात विद्यापीठ अपयशी ठरल्याचा आरोप प्रशासनाने केला आहे. ही कारवाई यूएस डिपार्टमेंट ऑफ एज्युकेशन, डिपार्टमेंट ऑफ हेल्थ अँड ह्युमन सर्व्हिसेस, डिपार्टमेंट ऑफ जस्टिस अँड जनरल सर्व्हिसेस ॲडमिनिस्ट्रेशनच्या जॉइंट टास्क फोर्सने केली आहे. राष्ट्राध्यक्ष डोनाल्ड ट्रम्प यांनी ज्यू विद्यार्थ्यांना संरक्षण देण्यात असमर्थ आणि आणि निषेधास परवानगी देणाऱ्या विद्यापीठांना फेडरल अनुदान (फेडरल आर्थिक मदत) न देण्याचा इशारा दिला आहे. कोलंबिया विद्यापीठाच्या न्यायिक मंडळाने गाझा आंदोलनादरम्यान हॅमिल्टन हॉलवर कब्जा करणाऱ्या विद्यार्थ्यांवर कठोर कारवाई केली आहे.

पॅलेस्टिनी विद्यार्थी आणि आंदोलकांना अटक

अमेरिकेच्या इमिग्रेशन विभागाच्या अधिकाऱ्यांनी लेका कॉर्डिया या पॅलेस्टिनी विद्यार्थिनीला वेस्ट बँकमधून अटक केली आहे. लेका 2022 पासून स्टुडंट व्हिसावर अमेरिकेत राहत होती. कोलंबिया विद्यापीठात हमास समर्थक निदर्शनांमध्ये भाग घेतल्याबद्दल एप्रिल 2024 मध्ये ताब्यात घेण्यात आले होते. कोलंबिया विद्यापीठातील पदवीचा विद्यार्थी महमूद खलीलला ट्रम्प प्रशासनाने अटक केली आहे. खलीलवर इस्रायलविरोधी आंदोलनात भाग घेतल्याचा आरोप आहे. इमिग्रेशन अधिकाऱ्यांनी खलीलला डिटेन्शन सेंटरमध्ये पाठवले आहे. खलील मूळचा पॅलेस्टिनी आहे. तोही अमेरिकेचा कायमचा रहिवासी आहे.

इतर महत्वाच्या बातम्या