बापरे! देशभरात भटके कुत्रे, मांजरांची 'इतकी' आहे संख्या
Homeless Dogs, Cats : पहिल्यांदाच देशभरातील भटके कुत्रे, मांजरांची संख्या किती असू शकेल, याचा तुम्ही कधी अंदाज तरी व्यक्त केला होता का?
Homeless Dogs, Cats in India : आपल्या परिसरात अनेक भटके कुत्रे, मांजर दिसत असतात. मात्र, या बेघर, भटके कुत्रे, मांजरांची देशभरात किती संख्या असेल, याचा तुम्ही कधी अंदाज बांधलात का? गुरुवारी पहिल्यांदाच स्टेट ऑफ पेट होमलेसनेस इंडेक्स अहवाल प्रसिद्ध करण्यात आली. या अहवालाच्या अंदाजानुसार, देशभरात बेघर मांजर, श्वानांची संख्या ही 8 कोटींच्या घरात असल्याचा अंदाज आहे. पेट होमलेसनेस इंडेक्समध्ये भारताला 10 पैकी फक्त 2.4 गुण मिळाले आहेत.
भारतात पहिल्यांदाच 'अॅनिमल वेलफेअर एक्सपर्ट' आणि 'मार्स पेटकेअर' यांनी संयुक्तपणे पहिला पेट होमलेसनेस इंडेक्स प्रसिद्ध केला आहे. 'मार्स पेटकेअर इंडिया'चे संचालक गणेश रमानी यांनी सांगितले की, आतापर्यंत जगभरात बेघर, भटके श्वान, मांजर यांची संख्या मोजण्यासाठी कोणती पद्धत नव्हती. मात्र, पहिल्यांदा अशाप्रकारची मोजणी करण्यात आली असल्याचे त्यांनी सांगितले.
भारतात 82 टक्के कुत्रे रस्त्यावर
'ईपीएच' इंडेक्सच्या आकडेवारीनुसार, भारतात 82 टक्के कुत्र्यांना भटके कुत्रे समजले जाते आणि 53 टक्के लोकांनुसार, हे भटके कुत्रे लोकांसाठी धोकादायक आहेत. तर, 65 टक्के लोकांना कुत्रे चावण्याची भीती आहे. तर, 82 टक्के लोकांना भटक्या कुत्र्यांना रस्त्यांवरून हटवले जावे आणि त्यांना शेल्टर हाऊसमध्ये ठेवण्यात यावे. भटक्या कुत्र्यांबाबत जनजागृती करणे आणि लसीकरण करणे यामुळे प्राणी-मानव संघर्षाला कमी करू शकतो. प्रभावीपणे नसबंदी केल्यास भटक्या प्राण्यांची संख्या कमी केली जाऊ शकते.
50 टक्के लोकांनी रस्त्यांवर सोडले पाळीव प्राणी
भारतात जवळपास 8 कोटी बेघर मांजर आणि कुत्रे हे रस्त्यांवर अथवा शेल्टर्स हाऊसमध्ये वास्तव्य करत आहेत. इतकंच नव्हे तर प्राणी पाळणाऱ्या जवळपास 50 टक्के लोकांनी किमान एक पाळीव प्राणी रस्त्यावर सोडले असल्याचे सांगितले. जवळपास 34 टक्के लोकांनी किमान एका श्वानाला रस्त्यावर सोडले असल्याचे सांगितले. तर, 32 टक्के लोकांनी किमान एक मांजर रस्त्यावर सोडले असल्याचे सांगितले.
महत्त्वाच्या बातम्या
