Coronavirus Today : गेल्या 24 तासांत 26 हजार 41 नव्या रुग्णांची नोंद, 16 हजार रुग्ण फक्त केरळात
India Coronavirus Updates : देशातील कोरोनाच्या प्रादुर्भावात घट झाल्याचं दिसत असलं तरी धोका मात्र अद्याप टळलेला नाही. गेल्या 24 तासांत कोरोनाच्या 26 हजार 41 नव्या कोरोनाबाधितांची नोंद करण्यात आली आहे.
Coronavirus Today : देशात कोरोनाचा प्रादुर्भाव आटोक्यात आला असला तरी, धोका मात्र अद्याप टळलेला नाही. गेल्या 24 तासांत कोरोनाच्या 26 हजार 41 नव्या कोरोनाबाधितांची नोंद करण्यात आली आहे. तसेच, 276 रुग्णांचा कोरोनामुळे मृत्यू झाला आहे. जाणून घेऊया देशातील कोरोनाबाधितांची एकूण आकडेवारी...
29 हजार 621 रुग्ण कोरोनामुक्त
आरोग्य मंत्रालयानं जारी केलेल्या आकडेवारीनुसार, देशात गेल्या 24 तासांत 29 हजार 624 रुग्ण कोरोनामुक्त झाले आहेत. त्यामुळे देशातील एकूण कोरोनामुक्त रुग्णांचा आकडा सध्या तीन कोटी 29 लाख 31 हजार 972 वर पोहोचला आहे. अशातच सक्रिय रुग्णांची संख्या घटून 2 लाख 99 हजार 620 वर पोहोचली आहे. एकूण आकडेवारीनुसार, देशात आतापर्यंत तीन कोटी 36 लाख 78 हजार 786 रुग्णांना कोरोनाची लागण झाली आहे. ज्यामध्ये आतापर्यंत कोरोनाचे चार लाख 47 हजार 194 रुग्णांचा मृत्यू झाला आहे.
आरोग्य मंत्रालयानुसार, गेल्या 24 तासांत लसीचे 38 लाख 18 हजार 362 लसीचे डोस देण्यात आले आहेत. त्यानंतर आता लसीकरणाचा एकूण आकडा 86 कोटी एक लाख 59 हजार 11 वर पोहोचला आहे.
राज्यात दुसरी लाट ओसरतेय! आज 3,206 नवीन कोरोनाबाधित रुग्णांची नोंद
राज्यात दुसरी लाट हळूहळू ओसरताना दिसत आहे. राज्यात काल (रविवारी) 3,206 नवीन कोरोनाबाधित रुग्णांची नोंद झाली आहे. तर 3 हजार 292 रुग्ण कोरोनामुक्त झाले आहे. राज्यात आतापर्यंत 63 लाख 64 हजार 027 रुग्णांनी कोरोनावर मात केली आहे. मुळे राज्यातील रुग्ण बरे होण्याचे प्रमाण 97.24 टक्के आहे. कोरोना नियंत्रणात येत असतानाच राज्य सरकारने अनलॉकची प्रक्रिया सुरु केली आहे.
राज्यात काल (रविवारी) 36 रुग्णांच्या मृत्यूची नोंद झाली आहे. परिणामी आतापर्यंत 1 लाख 38 हजार 870 रुग्णांनी कोरोनाने आपला जीव गमावला आहे. राज्यात सध्या कोरोनाचे 37 हजार 860 सक्रीय रुग्ण उपचार घेत आहेत.
मुंबईत गेल्या 24 तासात 479 कोरोनाबाधित रुग्णांची नोंद
मुंबईत गेल्या 24 तासात 479 कोरोनाबाधित रुग्णांची नोंद झाली आहे. तर 481 रुग्णांनी कोरोनावर मात केली आहे. मुंबईत आतापर्यंत 7,18,002 रुग्ण कोरोनामुक्त झाले आहेत. मुंबईचा रिकव्हरी रेट 97 टक्के झाला आहे. सध्या मुंबईत 4667 सक्रिय रुग्ण आहेत. तर रुग्ण दुपटीचा दर 1208 दिवसांवर गेला आहे.
पुण्यात गेल्या 24 तासात 171 कोरोनाबाधित रुग्णांची नोंद
पुण्यात गेल्या 24 तासात 171 कोरोनाबाधित रुग्णांची नोंद झाली आहे. तर 196 रुग्णांनी कोरोनावर मात केली आहे. पुण्यात आतापर्यंत 48,9681 रुग्ण कोरोनामुक्त झाले आहेत. सध्या पुण्यात 1552 सक्रिय रुग्ण आहेत. तर 185 गंभीर रुग्ण उपचार घेत आहेत.
Before You Go
Gokul Election 2026: 3 मंत्री, 2 खासदार, 10 आमदारांचं चक्रव्यूह कसं भेदलं?,सतेज पाटील यांनी A टू Z सांगितलं!
महत्त्वाच्या बातम्या
