Covid-19 Cases : गेल्या 24 तासात देशात 2 हजार 841 नवीन कोरोना रुग्णांची नोंद, तर 9 जणांचा मृत्यू

गेल्या 24 तासात देशात 2841 नवीन कोरोना रुग्णांची नोंद झाली आहे. कालच्या तुलनेत ही वाढ 0.49 टक्क्यांनी जास्त आहे. तर गेल्या 24 तासात देशात कोरोनामुळे 9 जणांचा मृत्यू झाला आहे.

Covid-19 Cases

Source : AFP

Covid-19 Cases : देशात कोरोना रुग्णांच्या संख्येत हळूहळू वाढ होत असल्याचे चित्र दिसत आहे. गेल्या 24 तासात देशात 2841 नवीन कोरोना रुग्णांची नोंद झाली आहे. कालच्या तुलनेत ही वाढ 0.49 टक्क्यांनी जास्त आहे. तर गेल्या 24 तासात देशात कोरोनामुळे 9 जणांचा मृत्यू झाल्याची माहिती केंद्रीय आरोग्य मंत्रालयाने दिली आहे. काल देशात 2 हजार 827 नवे रुग्ण आढळले होते तर 24 रुग्णांचा मृत्यू झाला होता. आज रुग्णसंख्येत किंचीत वाढ झाली आहे.
 
दरम्यान, देशातील कोरोना बाधितांची आत्तापर्यंतची एकूण संख्या ही 4 कोटी 31 लाख 16 हजार 254 झाली आहे. गेल्या तर आतापर्यंत देशात कोविडमुळे एकूण 5 लाख 24 हजार 190 लोकांचा मृत्यू झाल्याची माहिती केंद्रीय आरोग्य मंत्रालयाने दिली आहे. केंद्रीय आरोग्य मंत्रालयाच्या आकडेवारीनुसार, सध्या देशभरात एकूण सक्रिय रुग्णांची संख्या 19 हजारांवर आली आहे. एकूण संसर्गाच्या 0.04 टक्के सक्रिय प्रकरणे झाली आहेत. सध्या देशातील रिकव्हरी रेट 98.74 टक्के नोंदवला गेला आहे. गेल्या 24 तासांत देशभरात एकूण 3 हजार 295 रुग्ण बरे झाले आहेत. देशभरात आतापर्यंत एकूण 4 कोटी, 25 लाख, 73 हजार, 460 लोकांनी कोरोनावर यशस्वी  मात केली आहे.

 

Koo App

#COVID19 UPDATE 💠190.99 cr vaccine doses have been administered so far under Nationwide Vaccination Drive 💠India’s active caseload currently stands at 18,604 💠Recovery rate currently at 98.74% Read here: https://pib.gov.in/PressReleasePage.aspx?PRID=1824938 #IndiaFightsCorona

View attached media content

- PIB India (@PIB_India) 13 May 2022

सध्या देशातील दैनंदीन पॉझिटिव्हिटी दर हा 0.58 टक्क्यांवर आला आहे. तर साप्ताहिक पॉझिटिव्हिटी दर हा 0.69 टक्क्यांवर गेला आहे. आतापर्यंत देशात एकूण 84.29 कोटी नमुन्यांची चाचणी करण्यात आली आहे. गेल्या 24 तासात 4 लाख 86 हजार 628 नमुने तपासण्यात आले आहेत.

दिल्लीत 24 तासांत कोरोनाचे एक हजारांहून अधिक नवे रुग्ण

देशाची राजधानी दिल्लीत हळूहळू कोरोना रुग्णांची संख्या वाढत आहे. गेल्या 24 तासात दिल्लीत एक हजाराहून अधिक रुग्ण आढळून आले आहेत. संसर्गा दर हा ३.६४ टक्के होता. सध्या राष्ट्रीय लसीकरण मोहिमेअंतर्गत, देशभरातील लोकांना आतापर्यंत एकूण 190.99 कोटी लसीचे डोस देण्यात आले आहेत.

महाराष्ट्रातील कोरोना रुग्णसंख्या स्थिर

राज्यातील कोरोनाची आकडेवारी स्थिर असल्याचं चित्र आहे. काल राज्यात 231 नव्या कोरोना रुग्णांची नोंद झाली तर दिवसभरात 208 रुग्ण बरे होऊन घरी परतले. त्यामुळे राज्यातील कोरोना रुग्ण बरे होण्याचं प्रमाण हे 98.11 टक्क्यांवर पोहोचलं आहे. राज्यात बुधवारी 221 रुग्णांची भर पडली होती.