Coronavirus Cases Today : देशात गेल्या 24 तासांत 16 हजारांहून अधिक रुग्णांची नोंद, 561 मृत्यू
Coronavirus Cases Today : देशात गेल्या 24 तासांत कोरोनाचे 15 हजार 906 नवे रुग्ण आढळून आले आहेत. तर काल (शनिवारी) 561 रुग्णांचा मृत्यू झाला आहे.
Coronavirus Cases Today : देशात जीवघेण्यात कोरोना व्हायरस (Covid-19) च्या नव्या रुग्णांमध्ये आज मोठ्या प्रमाणावर घट झाल्याचं पाहायला मिळत आहे. देशात गेल्या 24 तासांत कोरोनाचे 15 हजार 906 नवे रुग्ण आढळून आले आहेत. तर काल (शनिवारी) 561 रुग्णांचा मृत्यू झाला आहे. दरम्यान, देशातील कोरोनामुळे मृत्यू झालेल्यांचा एकूण आकडा 4 लाख 54 हजार 269 वर पोहोचला आहे.
केंद्रीय आरोग्य आणि कुटुंब कल्याण मंत्रालयानं दिलेल्या माहितीनुसार, देशात सध्या सक्रिय रुग्णांची एकूण संख्या एक लाख 72 हजार 594 वर पोहोचली आहे. तर यापैकी एक लाख 74 हजार 594 रुग्ण रुग्णालयात दाखल आहेत. देशात आतापर्यंत कोरोनाचे तीन कोटी 35 लाख 48 हजार 605 रुग्ण कोरोनामुक्त झाले आहेत.
लसीकरणाचा आकडा
केंद्रीय आरोग्य मंत्रालयानं जारी केलेल्या आकडेवारीनुसार, देशात काल (शनिवारी) दिवसभरात 77 लाख 40 हजार 676 लसीचे डोस देण्यात आले आहेत. त्यानंतर देशात आतापर्यंत 102 कोटी 10 लाख 43 हजार लोकांना लसी देण्यात आली आहे.
राज्यात काल (शनिवारी) 1701 नवीन कोरोनाबाधित रुग्णांची नोंद तर 33 जणांचा मृत्यू
कोरोनाबाधितांच्या दैनंदिन रुग्णसंख्येत घट पाहायला मिळत आहे. राज्यात काल (शनिवारी) 1701 नवीन कोरोनाबाधित रुग्णांची नोंद झाली आहे. तर 1 हजार 781 रुग्ण कोरोनामुक्त झाले आहे. राज्यात आतापर्यंत 66 लाख 01 हजार 551 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 97.46 टक्के आहे.
राज्यात काल (शनिवारी) 33 रुग्णांच्या मृत्यूची नोंद झाली आहे. राज्याचा मृत्यूदर 2.12 टक्के झाला आहे. पुणे जिल्ह्यात सध्या सर्वात जास्त 7059 अॅक्टिव्ह रुग्ण आहेत. जळगाव (16), नंदूरबार (0), धुळे (5), जालना (54), लातूर (67) परभणी (27), हिंगोली (24), नांदेड (15), अकोला (23), अमरावती (14), वाशिम (04), बुलढाणा (08), नागपूर (79), यवतमाळ (06), वर्धा (5), भंडारा (3), गोंदिया (3), गडचिरोली (6 ) या जिल्ह्यात अॅक्टिव्ह रुग्णसंख्या 100 च्या खाली आहे.
राज्यात सध्या 24 हजार 022 रुग्णांवर उपचार सुरु आहेत. सध्या राज्यात 1,95,063 व्यक्ती होम क्वॉरंटाईनमध्ये आहेत तर 926 व्यक्ती संस्थात्मक क्वारंटाईनमध्ये आहेत. आजपर्यंत तपासण्यात आलेल्या 6, 17, 62 ,963 प्रयोगशाळा तपासण्या करण्यात आल्या आहे.
मुंबईत गेल्या 24 तासात 465 कोरोनाबाधित रुग्णांची नोंद
मुंबईत गेल्या 24 तासात 465 कोरोनाबाधित रुग्णांची नोंद झाली आहे. तर 562 रुग्णांनी कोरोनावर मात केली आहे. मुंबईत आतापर्यंत 7,30,183 रुग्ण कोरोनामुक्त झाले आहेत. मुंबईचा रिकव्हरी रेट 97 टक्के झाला आहे. तर मुंबईत गेल्या 24 तासात पाच रुग्णाचा मृत्यू झाला आहे. सध्या मुंबईत 4356 सक्रिय रुग्ण आहेत. तर रुग्ण दुपटीचा दर 1395 दिवसांवर गेला आहे.
महत्त्वाच्या बातम्या
ट्रेंडिंग न्यूज
