Covid19 : चांगली बातमी! कोरोना रुग्णसंख्येत मोठी घट, देशात 6168 नवे कोरोनाबाधित

Coronavirus Cases Today : देशात गेल्या 24 तासांत 6168 नवीन कोरोनाबाधित रुग्णांची नोंद झाली आहे. आदल्या दिवसाच्या तुलनेत रुग्णसंख्या 1778 रुग्ण घटले आहेत.

Coronavirus New Cases in India

Coronavirus Cases Today in India : देशातील कोरोनाचा प्रार्दुभाव (Coronavirus) दिवसेंदिवस कमी होताना दिसत आहे. बुधवारच्या तुलनेत गुरुवारी दिवसभरात नोंद झालेल्या कोरोना रुग्णांची संख्या घटली आहे. केंद्रीय आरोग्य मंत्रालयाच्या आकडेवारीनुसार, गेल्या 24  तासांत म्हणजेच गुरुवारी दिवसभरात 6 हजार 168 नवीन कोरोनाबाधित रुग्णांची नोंद झाली आहे. आदल्या दिवसाच्या तुलनेत रुग्णसंख्या 1 हजार 778 रुग्ण घटले आहेत. बुधवारी दिवसभरात कोरोनाच्या 7 हजार 946 नव्या रुग्णांची नोंद झाली होती. गणेशोत्सवाच्या पार्श्वभूमीवर एकीकडे देशात उत्साहाचं वातावरण असताना कोरोनाबाधितांच्या संख्येत झालेली घट ही दिलासादायक बाब आहे.

आतापर्यंत 5 लाख 27 हजार 932 रुग्णांचा मृत्यू

देशात गेल्या 24 तासांत 9 हजार 685 रुग्ण कोरोना संसर्गातून मुक्त झाले आहेत. देशात कोरोनामुक्त होणाऱ्या रुग्णांचं प्रमाण जास्त आहे. देशातील उपचाराधीन असलेल्या कोरोना रुग्णांची संख्याही घटली आहे. सध्या देशात 59 हजार 210 सक्रिय कोरोना रुग्ण आहेत. भारतात आतापर्यंत एकूण 5 लाख 27 हजार 932 रुग्णांचा कोरोनामुळे मृत्यू झाला आहे. 

देशव्यापी लसीकरणात 212 कोटीहून अधिक लसी देण्यात आल्या

दरम्यान, देशात नोंद झालेल्यांपैकी सर्वाधिक रुग्ण सौम्य लक्षणे असणारे आहेत. देशव्यापी लसीकरण मोहिमेत आतापर्यंत 212 कोटींहून अधिक कोरोना प्रतिबंधात्मक लसी देण्यात आल्या आहेत. देशात गुरुवारी दिवसभरात 22 लाख 40 हजार 162 कोविड लसी देण्यात आल्या असल्याची माहिती देखील केंद्रीय आरोग्य मंत्रालयानं दिली आहे. देशातील साप्ताहिक कोरोना पॉझिटीव्हीटी रेट हा 2.51 टक्के आहे. तर दैनंदिन कोरोना रुग्ण सकारात्मकता दर 1.94 टक्के आहे.

#AmritMahotsav#Unite2FightCorona#LargestVaccineDrive

𝗖𝗢𝗩𝗜𝗗 𝗙𝗟𝗔𝗦𝗛https://t.co/7DTyWq1s9b pic.twitter.com/HLDXCwJImK

— Ministry of Health (@MoHFW_INDIA) September 2, 2022

महाराष्ट्रात गुरूवारी 781 रुग्णांची नोंद
राज्यात गेल्या 24 तासांत 781 कोरोनाच्या (Maharashtra Corona Update) नव्या रुग्णांची भर पडली आहे. तर गुरूवारी दिवसभरात एकूण 1523 रुग्ण कोरोनामुक्त होऊन घरी परतले आहेत. राज्यात चार कोरोनाबाधित रुग्णांच्या मृत्यूची नोंद झाली आहे. राज्यातील मृत्यूदर हा 1.83 टक्के इतका झाला. तर आतापर्यंत राज्यामध्ये 79,42, 981 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 98.05 टक्के इतकं झालं आहे.