कठीण काळात तुमच्यासोबत आहे, आई लवकर बऱ्या होतील, मोदींसाठी राहुल गांधींचं भावनिक ट्विट

PM Modi Mother Health : पंतप्रधान नरेंद्र मोदी यांच्या आई हिराबेन मोदी यांच्या प्रकृतीत सुधारणा व्हावी अशी प्रार्थना काँग्रेस नेते राहुल गांधी ( Rahul Gandhi ) यांनी केलीय.

PM Modi Mother

PM Modi Mother Health : पंतप्रधान नरेंद्र मोदी (PM Narendra Modi) यांच्या आई हिराबेन मोदी (Hiraba Modi) यांची प्रकृती अचानक बिघडल्याने त्यांना यूएन मेहता रुग्णालयात दाखल करण्यात आले आहे. हिराबेन मोदी यांची प्रकृती ठिक होण्यासाठी देशवासीयांकडून प्रार्थना केली जात आहे. काँग्रेस नेते राहुल गांधी ( Rahul Gandhi ) यांनी देखील त्यांची प्रकृती लवकरात लवकर सुधारावी अशी प्रार्थना केलीय. याबरोबरच अशा कठीण काळात पंतप्रधान नरेंद्र मोदी यांच्यासोबत असल्याचे राहुल गांधी यांनी म्हटले आहे. 

काय म्हटले आहे राहुल गांधी यांनी आपल्या ट्विटमध्ये?

"आई आणि मुलगा यांच्यातील प्रेम हे शाश्वत आणि अमूल्य आहे. मोदीजी या कठीण काळात माझे प्रेम आणि पाठिंबा तुमच्यासोबत आहे. मला आशा आहे की तुमच्या आई लवकरात लवकर बऱ्या होतील." असे ट्विट राहुल गांधी यांनी केले आहे.  

एक मां और बेटे के बीच का प्यार अनन्त और अनमोल होता है।

मोदी जी, इस कठिन समय में मेरा प्यार और समर्थन आपके साथ है। मैं आशा करता हूं आपकी माताजी जल्द से जल्द स्वस्थ हो जाएं।

— Rahul Gandhi (@RahulGandhi) December 28, 2022

प्रियांका गांधींकडूनही प्रार्थना 

काँग्रेस नेत्या प्रियांका गांधी यानी देखील ट्विट केले आहे. "पंतप्रधान नरेंद्र मोदी यांच्या आईंची तब्येत खालावल्याची बातमी मिळाली. अशा परिस्थितीत आपण सर्व त्यांच्यासोबत आहोत. मोदीजी यांच्या आईंची प्रकृती लवकर बरी व्हावी यासाठी मी देवाकडे प्रार्थना करते, असे ट्विट प्रियांका गांधी यांनी केले आहे. 

प्रधानमंत्री श्री @narendramodi जी की माता जी के अस्वस्थ होने का समाचार प्राप्त हुआ। इस घड़ी में हम सब उनके साथ हैं।

मैं ईश्वर से प्रार्थना करती हूं कि उन्हें जल्द स्वास्थ्य लाभ मिले।

— Priyanka Gandhi Vadra (@priyankagandhi) December 28, 2022

दरम्यान, काही वेळापूर्वी रुग्णालयाने एक निवेदन जारी केले आहे. यामध्ये हिराबेन मोदी यांची प्रकृती स्थिर असल्याचे म्हटले आहे. अहमदाबादमधील यूएन मेहता रूग्णालयात त्यांच्यावर उपचार सुरू आहेत. त्यांचे संपूर्ण कुटुंब त्यांच्यासोबत रूग्णालयात आहे. पंतप्रधान मोदी देखील रूग्णालयात पोहोचले आहेत, अशी माहिती मिळाली आहे.

हिराबेन यांनी 18 जून रोजीच त्यांचा 100 वा वाढदिवस साजरा केला आहे. तर, पंतप्रधान मोदींनी गुजरात निवडणुकीच्या दरम्यान गांधीनगरमध्ये आई हिराबेन यांची भेटही घेतली होती. श्वसनाच्या त्रासामुळे हिराबेन यांना रूग्णालयात दाखल करण्यात आले आहे. सहा डॉक्टारांचे पथक त्यांच्या प्रकृतीवर लक्ष ठेवून आहे.   

पंतप्रधान मोदी यांचे बंधू पल्हाद मोदी यांच्या गाडीचा दोन दिवसांपूर्वीच अपघात झालाय. यावेळी त्यांचे संपूर्ण कुटुंब गाडीत होते. या अपघातात कोणीच जखमी झाले नाही.   

महत्वाच्या बातम्या