![ABP Premium](https://cdn.abplive.com/imagebank/Premium-ad-Icon.png)
Cocaine Seized : गुजरातमधील मुंद्रा बंदरावर तब्बल 500 कोटींचे कोकेन जप्त, डीआरआयची कारवाई
Cocaine Seized : DRI अधिकाऱ्यांच्या म्हणण्यानुसार, 2021-22 या आर्थिक वर्षात DRI ने देशभरातून 321 किलो कोकेन जप्त केले. त्याची आंतरराष्ट्रीय बाजारात किंमत 3200 कोटी रुपये आहे
![Cocaine Seized : गुजरातमधील मुंद्रा बंदरावर तब्बल 500 कोटींचे कोकेन जप्त, डीआरआयची कारवाई Cocaine worth Rs 500 crore seized at Mundra port in Gujarat Cocaine Seized : गुजरातमधील मुंद्रा बंदरावर तब्बल 500 कोटींचे कोकेन जप्त, डीआरआयची कारवाई](https://feeds.abplive.com/onecms/images/uploaded-images/2022/05/26/783251d91d7985e7970bb9afb6855ff6_original.jpg?impolicy=abp_cdn&imwidth=1200&height=675)
Cocaine Seized : गुजरातमधील मुंद्रा बंदरावर महसूल गुप्तचर संचालनालयाने (डीआरआय) 52 किलो कोकेन जप्त केले आहे. आंतरराष्ट्रीय बाजारात या औषधांची किंमत तब्बल 500 कोटी रुपये असल्याचे सांगण्यात येत आहे. कोकेनची ही खेप इराणमार्गे गुजरातमधील मुंद्रा विमानतळावर पाठवण्यात आली होती. 2021-22 या वर्षात महसूल गुप्तचर संचालनालयाने आतापर्यंत 3200 कोटी रुपयांचे कोकेन जप्त केले आहे.
महसूल गुप्तचर संचालनालयाच्या एका उच्चपदस्थ अधिकाऱ्याने सांगितले की, अमली पदार्थांची मोठी खेप इराणमार्गे भारतात पाठवली जाऊ शकते अशी माहीती गुप्तचर संचालनालयाला मिळाली होती. या माहितीच्या आधारे डीआरआयने गुप्त कारवाई सुरू केली. या कारवाईला ऑपरेशन नमकीन असे नाव देण्यात आले होते. ऑपरेशनमध्ये मिळालेल्या गुप्त माहितीच्या आधारे DRI ला 25 मेट्रिक टन मिठाच्या खेपाचा संशय आला होता. ही खेप गुजरातमधील मुंद्रा बंदरात आली होती. या मिठाच्या खेपेत मुंद्रा बंदरात इराणमधून आयात करण्यात आलेल्या 1000 गोण्यांचा समावेश होता.
संशयाच्या आधारावर 24 मे ते 26 मे 2022 पर्यंत डीआरआय अधिकाऱ्यांनी एका शेताची तपासणी केली. या तपासणीत मिठाच्या काही गोण्या संशयास्पद आढळून आल्या. डीआरआय अधिकार्यांनी या संशयित बँगांमधील नमुन्यांची गुजरातच्या फॉरेन्सिक सायन्स संचालनालयाच्या प्रयोगशाळेत चाचणी केली.
प्रयोगशाळेच्या अधिकाऱ्यांनी केलेल्या चाचणीत या पिशव्यांमध्ये कोकेन आढळून आले. त्यानंतर आतापर्यंत झडतीदरम्यान 52 किलो कोकेन जप्त करण्यात आले आहे. कोकेन जप्त केल्यानंतर डीआरआय अधिकाऱ्यांनी एनडीपीएस कायदा 1985 च्या तरतुदींनुसार तपास आणि जप्तीची कारवाई सुरू केली आहे. तसेच ही खेप कोणत्या कंपनीने मागवली होती आणि ती कुठे जाणार होती? याचाही सखोल तपास सुरू आहे. याआधीही मुंद्रा बंदरात इराणमार्गे अमली पदार्थांची मोठी खेप जप्त करण्यात आली आहे.
DRI अधिकाऱ्यांच्या म्हणण्यानुसार, 2021-22 या आर्थिक वर्षात DRI ने देशभरातून 321 किलो कोकेन जप्त केले होते, ज्याची आंतरराष्ट्रीय बाजारात किंमत 3200 कोटी रुपये आहे. गेल्या काही महिन्यांत डीआरआयने अंमली पदार्थांशी संबंधित अनेक महत्त्वाच्या प्रकरणांची नोंद केली आहे. सध्या या प्रकरणाचा तपास सुरू असून आरोपींचा शोध घेण्याचे काम सुरू करण्यात आले आहे.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)