Chinese rocket : चीनने अवकाशात सोडलेलं 21 हजार किलोचं रॉकेट अनियंत्रित, तुकडे पृथ्वीवर आदळणार...पण कुठे?

चीनने अंतराळातून प्रेक्षेपित केलेल्या The Long March 5B या रॉकेट अनिंयत्रित झालं असून त्याचे तुकडे कधीही पृथ्वीवर आदळू शकतात. ते नेमकं कुठं आदळणार याची माहिती नाही.

china-rocket-debris-falling-earth

बीजिंग : चीनचे एक मोठं अनियंत्रित रॉकेट The Long March 5B पृथ्वीवर आदळण्याची शक्यता आहे. पण ते नेमकं कधी आणि कोणत्या ठिकाणी आदळणार याची निश्चिती नाही. 

अमेरिकेचे संरक्षण मंत्रालयाचे प्रवक्ते माइक हावर्डने सांगितलं की, "चीनेचे रॉकेट The Long March 5B वर अमेरिकेची नजर आहे. अद्याप या रॉकेटने वातावरणात प्रवेश केला नाही. हे रॉकेट ज्यावेळी पृथ्वीच्या वातावरणात प्रवेश करेल त्यावेळी हे कोणत्या ठिकाणी आदळेल हे निश्चितपणे सांगता येईल."

 

This morning's Tianhe altitude plot; the Tianhe space station remains in a 352 x 385 km orbit. The CZ-5B core stage has decayed from an initial 170 x 375 km orbit to 165 x 326 km; drag at perigee causes a reduction of apogee. pic.twitter.com/X0ZQIiEqUE

— Jonathan McDowell (@planet4589) May 3, 2021

पृथ्वीच्या वातावरणात प्रवेश करताना या रॉकेटचा बहुतांशी हिस्सा जळून खाक होणार आहे. जवळपास 100 फुट लांब असलेले हे रॉकेट चार मैल प्रति सेकंद या वेगाने पृथ्वीकडे प्रवास करत आहे. चीनने गुरुवारी या रॉकेटच्या मदतीने अंतराळात तयार करण्यात येत असलेल्या स्पेस स्टेशनचा पहिला भाग पाठवला होता. चीन तियान्हे नावाचे एक स्पेस स्टेशन अवकाशात उभं करत आहे.

या रॉकेटचे तुकडे नेमके कुठे आदळणार याची माहिती नसल्याने जगभरात भीतीचे वातावरण निर्माण झालं आहे. अमेरिका, मेक्सिको, मध्य अमेरिका, दक्षिण अमेरिका, आफ्रिका, भारत, चीन आणि ऑस्ट्रेलिया या देशांत कुठेतरी हे रॉकेट आदळेल अशी शक्यता तज्ज्ञांकडून वर्तवण्यात आली आहे. तसेच जास्तीत जास्त समुद्रात हे रॉकेट पडावे यासाठी प्रयत्न करण्यात येत आहेत. 

महत्वाच्या बातम्या :