CBSE Board Exam 2027 : 10वी आणि 12वीच्या परीक्षांचे वेळापत्रक जाहीर; 'या' तारखेपासून रंगणार परीक्षांचा संग्राम, पाहा संपूर्ण वेळापत्रक
CBSE Board Exam Date Sheet 2027 : केंद्रीय माध्यमिक शिक्षण मंडळाने (CBSE) च्या 10वी आणि 12वीच्या वार्षिक परीक्षांची अधिकृत तारीख जाहीर केली आहे.
नवी दिल्ली : केंद्रीय माध्यमिक शिक्षण मंडळाने (CBSE) इयत्ता 10वी आणि 12वीच्या आगामी वार्षिक परीक्षांसाठीचे अधिकृत वेळापत्रक (Date Sheet 2027) जाहीर केले आहे. मंडळाने दिलेल्या माहितीनुसार, 10वी आणि 12वी अशा दोन्ही वर्गांच्या मुख्य प्रात्यक्षिक व लेखी परीक्षा 16 फेब्रुवारी 2027 पासून एकाच वेळी सुरू होणार आहेत. परीक्षांचे नियोजन अचूक व्हावे आणि विद्यार्थ्यांना अभ्यासासाठी पुरेसा वेळ मिळावा, या उद्देशाने मंडळाने परीक्षा सुरू होण्याच्या तब्बल 101 दिवस आधीच हे वेळापत्रक प्रसिद्ध केले आहे.
CBSE Exam Schedule & Duration : 10वीच्या परीक्षा 9 मार्च तर 12वीच्या 9 एप्रिलपर्यंत चालणार
सीबीएसईने दिलेल्या माहितीनुसार, प्रात्यक्षिक परीक्षा आणि अंतर्गत मूल्यमापन (Practical Exams) 01 जानेवारी 2027 पासून शाळांच्या स्तरावर सुरू होणार आहे.
त्यानंतर मुख्य लेखी परीक्षांचे वेळापत्रक खालीलप्रमाणे असेल:
इयत्ता 10वी परीक्षा : 16 फेब्रुवारी ते 9 मार्च 2027
इयत्ता 12वी परीक्षा : 16 फेब्रुवारी ते 9 एप्रिल 2027
परीक्षेची वेळ : सर्व विषयांचे पेपर्स एकाच सत्रात सकाळी 10:30 ते दुपारी 01:30 या वेळेत पार पडतील.
CBSE Board Exam Subject Wise Highlights : पहिल्या दिवशी भौतिकशास्त्र अन् कला विषयांचा पेपर
परीक्षेच्या पहिल्याच दिवशी म्हणजेच 16 फेब्रुवारी 2027 रोजी इयत्ता 12वीचा भौतिकशास्त्र (Physics) विषयाचा महत्त्वाचा पेपर होणार आहे. तर 10वीचा पेंटिंग आणि इतर प्रादेशिक भाषांचा पेपर पार पडेल.
त्यानंतर गणित, विज्ञान, सामाजिक शास्त्र, इंग्रजी, हिंदी, रसायनशास्त्र तसेच वाणिज्य व कला शाखेचे सर्व प्रमुख पेपर्स टप्प्याटप्प्याने पार पडतील. दोन पेपर्सच्या दरम्यान विद्यार्थ्यांना उजळणीसाठी (Revision) पुरेसा वेळ देण्यात आला आहे.
CBSE Board Exam 46 Lakh Students Appearing : देश-विदेशातून 46 लाखांहून अधिक विद्यार्थी बसणार
या वर्षी सीबीएसई बोर्डाच्या परीक्षेला बसणाऱ्या विद्यार्थ्यांच्या संख्येत मोठी वाढ झाली आहे. देशभरातून आणि परदेशातील सीबीएसई संलग्न शाळांमधून मिळून एकूण 46.3 लाखांहून अधिक विद्यार्थी या परीक्षेला बसणार आहेत. यामध्ये इयत्ता 10वीचे सुमारे 26.5 लाख, तर इयत्ता 12वीचे 19.8 लाख विद्यार्थी परीक्षा देणार आहेत.
How to Download Timetable PDF : अधिकृत वेबसाईटवरून वेळापत्रक कसे डाउनलोड करावे?
विद्यार्थी आणि पालकांना परीक्षांचे सविस्तर विषयनिहाय वेळापत्रक (Timetable PDF) खालील सोप्या स्टेप्स वापरून डाउनलोड करता येईल:
मंडळाच्या cbse.gov.in या अधिकृत संकेतस्थळाला भेट द्या.
मुख्य पानावर असलेल्या 'Latest @ CBSE' किंवा 'Examination Circulars' या पर्यायावर क्लिक करा.
'CBSE Class 10 & 12 Examination Date Sheet 2027' या लिंकवर क्लिक करा.
स्क्रीनवर दिसणारी वेळापत्रकाची PDF फाईल डाउनलोड करून प्रिंट काढून ठेवा.
ही बातमी वाचा:
महत्त्वाच्या बातम्या
