बसपा अध्यक्ष मायावतींची 'ट्विटर'वर एन्ट्री

निवडणुकीच्या तोंडावर सर्वच राजकीय पक्षांकडून आपली सोशल मिडीया यंत्रणा आणखी सक्षम करण्याचा प्रयत्न होत आहे. बहुजन समाज पक्षाच्या राष्ट्रीय अध्यक्ष मायावती यांची देखील आता ट्विटरवर एन्ट्री झाली आहे.

निवडणुकीच्या तोंडावर सर्वच राजकीय पक्षांकडून आपली सोशल मिडीया यंत्रणा आणखी सक्षम करण्याचा प्रयत्न होत आहे.  बहुजन समाज पक्षाच्या राष्ट्रीय अध्यक्ष मायावती यांची देखील आता ट्विटरवर एन्ट्री झाली आहे. राजकीय पक्ष आणि नेत्यांकडून गेल्या काही वर्षांत सोशल मिडीयाचा आपली भुमिका मांडण्यासाठी आणि प्रचारासाठी मोठ्या प्रमाणावर वापर होत आहे. तरी देखील मायावती या इतके दिवस सोशल मिडीयापासून दुर होत्या. परंतू आता 2019 च्या लोकसभा निवडणुका जवळ आल्या असताना मायावती ट्विटरवर आल्या आहेत.

Hello brothers and sisters. With due respect let me introduce myself to the Twitter family. This is my opening and inauguration. @sushrimayawati is my official Twitter handle for all my future interactions, comments and updates. With warm regards. Thank you.

— Mayawati (@SushriMayawati) January 22, 2019

मायावती यांच्या अकाउंटवरून पहिले ट्विट 22 जानेवारीला करण्यात आले आहे. ज्यामध्ये त्यांनी @sushrimayawati हे त्यांचे ऑफिशियल ट्विटर अकाउंट असल्याचं म्हटलं आहे. मायावतींचं हे ट्विटर अकाउंट वेरिफाइड असून 13 हजार पेक्षा जास्त लोकांनी त्यांना आतापर्यंत फॉलो केलं आहे. लालू प्रसाद यादव यांचे चिरंजीव तेजस्वी यादव यांनी मायावतींचे ट्विटरवर स्वागत केले आहे. "13 जानेवारीला लखनौ येथील सभेदरम्यान तेजस्वी यांनी मायावतींना ट्विटरवर येण्याची विनंती केली होती. त्याची दखल घेतल्याचा आनंद वाटला", असे तेजस्वी यांनी म्हटले आहे.

Finally glad to see you here. Happy that you acknowledged and respected my request of joining twitter during our meeting in Lucknow on 13th January. Warm Regards https://t.co/SzHlRkBPAB

— Tejashwi Yadav (@yadavtejashwi) February 5, 2019