Andhra Pradesh Fire: आंध्र प्रदेशातील विजयवाडामध्ये फटाक्यांच्या स्टॉलला आग, दोन जणांचा होरपळून मृत्यू
Andhra Pradesh Fire: आंध्र प्रदेशातील विजयवाडामध्ये फटाक्यांच्या स्टॉलला आग लागली आहे. आग लागल्यानंतर फटाक्यांनीही पेट घेतला
Andhra Pradesh Fire: दिवाळी तोंडावर आल्याने शहरात जागोजागी फटाक्यांचे मोठे स्टॉल लागले आहेत. यामुळे फटाक्यांच्या स्टॉलला आग लागण्याच्या घटना घडत असतात. आंध्र प्रदेशातील विजयवाडामध्ये फटाक्यांच्या स्टॉलला आग लागली आहे. आग लागल्यानंतर फटाक्यांनीही पेट घेतला आणि काही क्षणात आगीनं भीषण रुप धारण केलं. सध्या घटनास्थळीअग्निशमन दलाचे जवान दाखल झाले असून आग विझवण्यासाठी शर्थीचे प्रयत्न सुरु आहेत. आगीमध्ये दोन जणांचा होरपळून मृत्यू झाला आहे.
विजयवाडामध्ये लागलेल्या आगीत तीन दुकाने पूर्ण जळून खाक झाली आहेत. कर्मचाऱ्यांच्या सतर्कतेमुळे इतर दुकांनाना आगीपासून वाचवले. आग लागल्यानंतर मोठा आवाज झाला. त्यानंतर परिसरात मोठी खळबळ उडाली. आग लागण्याचे कारण अद्याप समोर आले नाही. स्थानिक आमदार मल्लाी विष्णू आणि पोलिस आयुक्त के. आर टाटा यांनी घटनास्थळी भेट दिली.
सदाशिव पेठमधील हॉटेलला भीषण आग
पुण्यातील (Pune Fire) सदाशिव पेठमधील एका हॉटेलला आग लागली. या आगीत एका दहा वर्षीय मुलीचा होरपळून मृत्यू झालाय. भिकारदास मारुती चौक परिसरातील ही घटना आहे. अग्निशमन दलाने आगीवर नियंत्रण मिळवले आहे. इकरा नईम खान (सहा वर्षे) असे आगीत होरपळून मृत्यू झाला आहे. सदाशिव पेठेतील भिकारदास मारुती जवळील एका हॉटेलमध्ये सकाळी पावणे अकराच्या सुमारास आग लागली. आग लागल्याची माहिती कर्मचाऱ्यांनी आणि स्थानिकांनी अग्निशामक दलास दिली. अग्निशामक दलाचे जवान घटनास्थळी दाखल झाले. त्यावेळी एक महिला आणि तीन मुलं असल्याची माहिती जवानांना मिळाली. महिला आणि दोन मुलांना सुखरूप बाहेर काढण्यात यश मिळाले. हॉटेलच्या पोटमाळ्यावर अडकलेल्या मुलीला बाहेर काढण्याचा प्रयत्न केला, गंभीर जखमी झालेल्या मुलीला जवानांनी बाहेर काढले
पाहा व्हिडीओ
महत्त्वाच्या बातम्या
ट्रेंडिंग न्यूज
