Indian Air Force : भारतीय हवाई दलाची नवीन वेपन सिस्टिम ब्रांच, 3400 कोटी रुपयांची होणार बचत
Weapon System Branch : भारतीय हवाई दलासाठी नवीन सर्वसमावेशक अशी नवीन वेपन सिस्टम शाखा म्हणजे शस्त्र शाखेची घोषणा करण्यात आली.
Indian Air Force Weapon System Branch : भारतीय हवाई दलाला (Indian Air Force) एक नवीन सर्वसमावेशक ऑपरेशनल ब्रांच मिळाली आहे. भारतीय हवाई दल (Indian Air Force Day) स्थापनेला 90 वर्ष पूर्ण झाली आहेत. यानिमित्ताने शनिवारी चंदीगढ येथे कार्यक्रम पार पडला. या कार्यक्रमात विविध प्रात्यक्षिके, कसरती सादर करत भारतीय हवाई दलाच्या सामर्थ्यांचं दर्शन घडलं. दरम्यान यावेळी वायू दलासाठी काही महत्त्वाच्या घोषणा करण्यात आल्या. भारतीय हवाई दलाच्या नवीन कॉम्बॅट युनिफॉर्मचं अनावरण करण्यात आलं. याशिवाय भारतीय हवाई दलासाठी नवीन सर्वसमावेशक अशी नवीन वेपन सिस्टम शाखा (New Branch for Weapon Systems) म्हणजे शस्त्र शाखेची घोषणा करण्यात आली. त्यानुसार आता इंडियन एअर फोर्स वेपन सिस्टिम ब्रांच (Weapon System Branch) अर्थात भारतीय हवाई दलाच्या शस्त्र शाखेअंतर्गत सर्व शस्त्रांचं कामकाज पाहण्यात येईल.
हवाई दलातील शस्त्रांसाठी नवीन शाखा
भारतीय हवाई दल प्रमुख वी.आर. चौधरी यांनी नवीन ऑपरेशनल शाखेची घोषणा केली की, केंद्र सरकारने भारतीय हवाई दलात नवी वेपन सिस्टिम ब्रांच तयार करण्यासाठी मंजुरी दिली आहे. या नव्या शाखेअंतर्गत भारतीय हवाई दलातील (IAF) सर्व शस्त्र प्रणाली हाताळण्यात येईल. नव्या शाखेच्या निर्मितीमुळे सुमारे 3400 कोटींची बचत होणार आहे. स्वातंत्र्यानंतर पहिल्यांदाच हवाई दलासाठी अशी स्वतंत्र शस्त्र शाखा निर्मिती करण्यात येणार आहे. ही हवाई दलातील चौथी शाखा असेल.
3400 कोटी रुपयांची बचत होणार
भारतीय हवाई दल प्रमुखांनी यावेळी सांगितलं की, या शाखेमुळे भारतीय हवाई दल आणि लष्करात समन्वय साधण्यासाठीही मदत होईल. या शाखेअंतर्गत भारतीय वायू दलाच्या सर्व विभागातील सर्व प्रकारच्या शस्त्रांची देखभाल आणि कामकाज पाहण्यात येईल. यामुळे 3,400 कोटी रुपयांहून अधिक निधीची बचत होणार आहे. नवीन वेपन सिस्टिम ब्रांच हवाई दलातील विमाने, हेलिकॉप्टर, क्षेपणास्त्र आणि इतर हत्यारांवर नियंत्रण ठेवेल. या शाखेमुळे हवाई दलातील प्रशिक्षणाचा खर्चही कमी होईल.
भारतीय हवाई दलाला मिळाला नवा कॉम्बॅट युनिफॉर्म
हवाई दलाला नवा गणवेश मिळाला आहे. या नवीन कॉम्बॅट युनिफॉर्मचं वैशिष्ट्य म्हणजे काश्मीरपासून कन्याकुमारीपर्यंत कोणत्याही हवामानात सैनिकांसाठी हा युनिफॉर्म आरामदायक असेल. भारतीय हवाई दलाचा नवीन गणवेश हा लष्कराच्या युनिफॉर्मसारखाच आहे. याची थीम 'ट्रान्सफॉर्मिंग फॉर द फ्युचर' अशी ठेवण्यात आली आहे. युनिफॉर्मचा डिजिटल पॅटर्न सर्व परिसरांसाठी अनुकूल आहे. यामुळे सैनिकांना वाळवंट, डोंगराळ भाग किंवा जंगल यांसारख्या कोणत्याही ठिकाणाहून वावरताना आराम मिळेल. हा गणवेश हवाई दलाची स्थायी ड्रेस कमिटी आणि नॅशनल इन्स्टिट्यूट ऑफ फॅशन टेक्नॉलॉजी (NIFT) यांनी तयार केला आहे.
महत्त्वाच्या बातम्या
