एक्स्प्लोर
Advertisement
ड्रायव्हरची आत्महत्या, जनार्दन रेड्डींनी त्रास दिल्याचा आरोप
बंगळुरु : कर्नाटक प्रशासकीय सेवेतील अधिकाऱ्याच्या ड्रायव्हरने आत्महत्या केल्याची घटना समोर आली आहे. धक्कादायक बाब म्हणजे कर्नाटकचे माजी मंत्री जनार्दन रेड्डी यांनी त्रास दिल्याचा आरोप ड्रायव्हर रमेश गौडा याने सुसाईड नोटमध्ये केला आहे.
बंगळुरुतील विशेष भूसंपादन अधिकारी भीमा नायक यांचा चालक रमेश गौडाने विषप्राशन करुन आयुष्य संपवलं. 'जनार्दन रेड्डी यांनी 100 कोटी रुपयांचा काळा पैसा कशाप्रकारे पांढरा केला, याची माहिती आपल्याला होती. भीमा नायक यांनाही रेड्डींना मदत केल्याबद्दल 20 टक्के वाटा मिळाला होता' असा दावा सुसाईड नोटमध्ये करण्यात आला आहे. भीमा नायक आणि त्यांचा दुसरा ड्रायव्हर मोहम्मद यांच्याविरोधात केस दाखल करण्यात आली आहे.
अवैध खाणकाम प्रकरणी साडे तीन वर्षे तुरुंगवास भोगलेले जनार्दन रेड्डी यांनी मुलीच्या शाही विवाह सोहळ्यात तब्बल 500 कोटींची उधळण केली होती. त्यानंतर रेड्डी यांच्या कार्यालयावर आणि घरावर आयकर विभागाने छापेमारी केली. विशेष तपास पथक (एसआयटी) आणि आयकर विभागाने मारलेल्या एका छाप्यात महत्त्वाची कागदपत्र हाती लागल्याची माहिती आहे.
एकीकडे देश नोटाबंदीच्या झळा सोसत असताना रेड्डी यांनी विवाह सोहळ्यावर केलेली कोट्यवधींची उधळण विरोधकांच्या डोळ्यात खुपत होती. त्यामुळे सरकारला टीकेचाही सामना करावा लागला होता.
रेड्डी आणि भाजप खासदार बी श्रीरामुलू हे दोघे भीमा नायक यांना बंगळुरुतील एका हॉटेलमध्ये दोन वेळा भेटल्याचंही आत्महत्या करणारे रमेश गौडा यांनी आत्महत्येपूर्वी लिहिलेल्या चिठ्ठीत म्हटलं आहे. 2018 मधील कर्नाटक विधानसभा निवडणुकीत तिकीट मिळवण्यासाठी रेड्डींनी मदत करावी, अशी नायक यांची इच्छा असल्याचा दावाही सुसाईड नोटमध्ये करण्यात आला आहे.
संबंधित बातम्या :
मुलीच्या लग्नासाठी भाजपच्या माजी मंत्र्याची 500 कोटींची उधळण!
माजी मंत्री जनार्दन रेड्डींच्या कार्यालयावर आयकर विभागाचा छापा
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
भारत
विश्व
राजकारण
जळगाव
Advertisement