छ. संभाजीनगरमध्ये विचित्र अपघात, भरधाव ट्रकनं 3 कार, 7 दुचाकी आणि 1 रिक्षा उडवली, महिलेचा जागीच मृत्यू

chhatrapati sambhaji nagar : छत्रपती संभाजीनगरमध्ये थोड्याच वेळापूर्वी भीषण अपघात घडला आहे. पैठण रोडवर नक्षत्रवाडीजवळ एका भरधाव ट्रकने 3 कार, 7 दुचाकी आणि 1 रिक्षा उडवल्याची घटना घडली आहे.

Accident ( Image Source :ABP MAJHA/chhatrapati sambhaji nagar )

chhatrapati sambhaji nagar : छत्रपती संभाजीनगरमध्ये थोड्याच वेळापूर्वी भीषण अपघात घडला आहे. पैठण रोडवर नक्षत्रवाडीजवळ एका भरधाव ट्रकने 3 कार, 7 दुचाकी आणि 1 रिक्षा उडवल्याची घटना घडली आहे. अपघातामध्ये किती जणांचा मृत्यू झाला, याबाबत अद्याप अधिकृत माहिती समोर आलेली नाही.  पण मिळालेल्या माहितीनुसार, या अपघातामध्ये चार जणांचा मृत्यू झालाय. अपघात झाल्यानंतर स्थानिकांची प्रचंड गर्दी झाली. शेकडो लोक घटनास्थळी दाखल झाले होते. अपघातामधील जखमींना जवळील रुग्णालयात उपचारासाठी दाखल करण्यात आले आहे. मिळालेल्या माहितीनुसार या अपघातामध्ये सहा जण जखमी झाले आहेत.  

काचांचा ढिग -

सोलापूरकडून धुळ्याकडे जाणारी वाहतूक खोळंबली होती, त्याचवेळी भऱधाव ट्रक थांबलेल्या वाहनांना उडवत गेला. संध्याकाळी सात वाजण्याच्या आसपासही घटना घडली. या भीषण अपघातामध्ये जवळपास 10 ते 15 पेक्षा अधिक वाहनचालक गंभीर जखमी झाले आहेत. या अपघातामुळे रस्त्यावर वाहने, काचांचा ढिग साचला होता. घटनेची माहिती कळताच स्थानिकांनी धाव घेतली. मात्र, सर्व वाहने एकमेकांमध्ये अडकलेली असल्याने त्यांना काढण्यात बराच वेळ गेला. त्यामुळे मोठी वाहतूक कोंडी झाली होती.

महिलेचा मृत्यू 

मिळालेल्या माहितीनुसार, धुळे सोलापूर हायवेवरून पैठण रोडवर ट्रक उतरत होता. त्यावेळी हा भीषण अपघात झाला. उतारावरून  खाली उतरत असताना ट्रकने 3 कार, 7 दुचाकी आणि 1 रिक्षा चिरडल्या. या अपघातामध्ये 1 महिला जागीच ठार झाली तर तीन जणांचा उपचारादरम्यान मृत्यू झालाय. या अपघातामध्ये 6 जण जखमी असल्याची प्राथमिक माहिती आहे. त्यांच्यावर जवळील सरकारी रुग्णालयात उपचार सुरु आहेत. 

वाहतूक कोंडी

धुळे सोलापूर हायवेवरून पैठण रोडवर ट्रक उतरत होता. हा रस्ता अरुंद होता. त्यात रात्रीचेही काम चालू होते. त्यामुळे मोठ्या प्रमाणावर वाहतूक कोंडी झाली होती. त्याचवेळी ट्रक चालकाचे नियंत्रण सुटले आणि हा विचित्र अपघात झाला.   अपघानंतर परिसरात मोठी वाहतूक कोंडी झाली आहे.