भंडारा : भंडारा जिल्ह्यातील (Bhandara) तुमसर तालुक्यात गोबरवाही या गावात एका कार्यक्रमाच्या निमित्ताने अश्लील डान्सचा हैदोस घालण्यात आल्याचं समोर आलं. या कार्यक्रमात अश्लीलतेचा कळस गाठण्यात आल्याचं दिसून आलं. त्यासंबंधित एक व्हिडीओ व्हायरल (Bhandara Viral Video) होत आहे. पोलीस प्रशासनात मोठी खळबळ उडाली आहे. त्यानंतर दोन पोलिसांवर निलंबनाची कारवाई करण्यात आली असून या प्रकरणात गुन्हाही दाखल करण्यात आला आहे.
जिल्ह्यातील तुमसर तालुक्यातील नाकाडोंगरी पोलीस ठाण्याच्या हद्दीतील गोबरवाही इथं मंडई निमित्त आयोजित हंगामा कार्यक्रमात विवस्त्रावस्थेतील अश्लील डान्स करण्यात आला. हा कार्यक्रम 17 नोव्हेंबरला पार पडला असून त्याचा व्हिडीओ (Bhandara Tumsar Gobarwahi Dance Viral Video) आता समाज माध्यमावर प्रचंड व्हायरल होत आहे.
या प्रकरणी गोबरवाही पोलिसांनी नागपूरच्या आरके डान्स हंगामा ग्रुपच्या (Nagpur RK Hungama Group) तिघांसह कार्यक्रम आयोजित करणाऱ्या आणि अश्लील व्हिडीओ समाज माध्यमावर व्हायरल करणाऱ्या पाच जणांविरुद्ध कलम 354, 354 ब, 294, 509 भांदवी अन्वये गुन्हा दाखल केला आहे. या कार्यक्रमात हजर असतानाही कर्तव्यात हलगर्जी करणाऱ्या दोन पोलीस कर्मचाऱ्यांना निलंबित करण्यात आलं असून अधिक तपास भंडाऱ्याचे उपविभागीय पोलिस अधिकारी अशोक बागुल करीत आहेत.
दोन वर्षांपूर्वी नागपूर जिल्ह्यातील उमरेड, कुही, भिवापूर तालुक्यात अशाच पद्धतीने अश्लील डान्सचे प्रकार घडले होते. तेव्हा पोलिसांनी तपासासाठी एसआयटीची स्थापना केली होती. मात्र दोषींवर ठोस कारवाई न झाल्यामुळे आता तसेच प्रकार भंडारा जिल्ह्यात होत असल्याचे समोर आले आहे.
यांच्या विरुद्ध गुन्हा दाखल
1) किशोर मनिराम गौपाले, लावणी कार्यक्रमाचे आयोजक रा. नाकाडोंगरी
2) आर.के. डान्स गृप नागपुर मधील काळा शर्ट घातलेला एक इसम
3) राम आहाके (संचालक, आर. के. डान्स गृप नागपूर रा. नागपूर)
4) आर.के. डान्स गृप नागपूरचे सदस्य
5) अज्ञात (प्रसार माध्यमात व्हिडीओ क्लीप व्हायरल करनारा इसम).
निलंबित करण्यात आलेले पोलीस कर्मचारी
1) राकेशसिंग सोलंकी (हेड कॉन्स्टेबल)
2) राहुल परतेती (पोलीस शिपाई).
ही बातमी वाचा: