Beed crime Gotya Gitte:'भाई तुम बडे, भाई सॉरी सॉरी...'; जितेंद्र आव्हाडांनी फोनवर माझी मागितली होती; गोट्या गित्तेचा व्हिडीओ व्हायरल

Beed crime Gotya Gitte: गोट्या गित्तेच्या या व्हिडीओने खळबळ उडाली होती. अनेक दिवस उलटून पोलीस त्याला पकडू शकलेले नाहीत. मात्र, त्याच्या इन्स्टाग्राम अकाऊंटवरुन व्हिडीओ शेअर होतो.

Gotya Gitte and Jitendra Awhad

Source : Facebook

Gotya Gitte and Jitendra Awhad: जितेंद्र आव्हाड यांचे कॉल रेकॉर्डिंग माझ्याकडे आहे. फोनवर त्यांनी माझी मागितली होती. फोनवर तू''भाई तुम बडे, भाई सॉरी सॉरी...',असे म्हणत होतास, असा दावा वाल्मिक कराडचा (Walmik Karad) चेला असलेल्या गोट्या गित्ते याने केला आहे. गोट्या गित्ते (Gotya Gitte) याचा एक व्हिडीओ नुकताच समोर आला होता. यामध्ये तो रेल्वे ट्रेनच्या रुळांवर बसलेला दिसत आहे. या व्हिडीओत गोट्या गित्ते याने संतोष देशमुख प्रकरणात आक्रमक भूमिका घेणारे शरद पवार गटाचे नेते जितेंद्र आव्हाड(Jitendra Awhad) यांना धमकी दिली आहे. 

या व्हिडीओत गोट्या गित्ते याने म्हटले आहे की, 'एsss जितेंद्र आव्हाड तू इकडे बघ. माझ्याकडे तुझी कॉल रेकॉर्डिंग आहेत. तू नेमका कोणाचा आहेस?  तू वंजारी समाजाचा नाहीस. तू हे जे वागतोय ते तिला खूप महागात पडणार आहे, असा इशारा गोट्या गित्ते यांनी आव्हाडांना दिला.

बीडमधील महादेव मुंडे हत्याप्रकरणात (Mahadev Munde Murder Case) सध्या पोलिसांकडून गोट्या गित्तेचा शोध घेतला जात आहे. मात्र, तो फरार आहे. शनिवारी त्याच्या इन्स्टाग्राम अकाऊंटवरुन एक व्हिडीओ पोस्ट करण्यात आला होता. गोट्याने 16 जानेवारीचा जुना व्हिडीओ पोस्ट केल्याचे समजते. परळी जवळील मालेवाडी परिसरातील रेल्वे पटरीवरचा हा व्हिडिओ आहे. या व्हिडीओत गोट्या गित्ते याने वाल्मिक कराड हा आपले दैवत असल्याचे म्हटले आहे. माझे वाल्मिक कराडसोबत संबध असल्याचं बोललं जात आहे. मी त्यांचा कार्यकर्ता आहे. बाकी आमचा काहीही संबंध नाही. पण आमदार जितेंद्र आव्हाड, खासदार बजरंग सोनावणे हे आरोप करत आहेत. तसेच अंजली दमानिया यांनी देखील आरोप केलेत. कोणच्याही मुलींना उचलून नेतो. वंजारी असूनसुद्धा मला जितेंद्र आवाड यांची लाज वाटते. ते म्हणतात की, मी कोणत्यातरी मंदिराचा मुखवटा चोरला. माझ्यावर खूप गुन्हे दाखल होत आहेत. विनाकारण, दरोडे, खून, खंडणी असे बिनबुडाचे आरोप केले जात आहेत. फुकट आरोप माझ्यावर करु नका. जितेंद्र आव्हाड वंजारी समाजाचे नाहीत, असे गोट्या गित्ते याने म्हटले. यावर आता आव्हाड काय बोलणार, याकडे सर्वांच्या नजरा लागल्या आहेत.

आणखी वाचा