Tata Sierra SUV : टाटा सिएरा घेण्यासाठी डाउन पेमेंट किती लागेल?

टाटा मोटर्सने आपली बहुप्रतिक्षित SUV 'टाटा सिएरा'चा लाँन्च केली आहे. दमदार इंजिन आणि १८ हून अधिक मायलेज देणाऱ्या या गाडीची किंमत आणि डाउन पेमेंटचे गणित नेमके काय आहे? जाणून घ्या सविस्तर...

Written By : सलमान शेख | Updated at : 25 Dec 2025 06:44 PM (IST)

Tata Sierra SUV

ज्या गाडीची आपण आतुरतेने वाट पाहत होतो, ती टाटा सिएरा (Tata Sierra) अखेर लाँच झाली आहे! १६ डिसेंबर २०२५ पासून या SUV चे बुकिंगही सुरू झाले आहे. जर तुम्ही ही गाडी घेण्याचा विचार करत असाल, तर ही बातमी खास तुमच्यासाठी आहे. "सर्वात आधी बोलूया किमतीबद्दल. टाटा सिएराच्या बेस मॉडेलची एक्स-शोरूम किंमत ११.४९ लाख रुपयांपासून सुरू होते, तर टॉप मॉडेल १८.४९ लाख रुपयांपर्यंत जाते.

डाउन पेमेंट किती लागेल?

जर तुम्ही बेस मॉडेल फायनान्स केले, तर तुम्हाला किमान २ लाख रुपये डाउन पेमेंट द्यावे लागेल. यानंतर उरलेल्या रकमेवर ९% व्याजाने ५ वर्षांसाठी तुमचा हप्ता (EMI) साधारण २३,७५१ रुपये इतका येईल.

मायलेज किती?

परफॉर्मन्सबद्दल सांगायचे तर, यात पेट्रोल इंजिन आहे जे १०५ bhp पॉवर देते. गाडीचे मायलेज सुद्धा जबरदस्त आहे – तब्बल १८.२ च मायलेज मिळतो! शिवाय यामध्ये टर्बो-पेट्रोल आणि टर्बो-डीझेल इंजिनचा पर्यायही उपलब्ध आहे.

या गाड्यांसोबत तगडी टक्कर

भारतीय मार्केटमध्ये ही गाडी Hyundai Creta, Kia आणि Renault Duster सारख्या मोठ्या गाड्यांना तगडी टक्कर देणार आहे.

About the author सलमान शेख

सलमान शेख, हे 'एबीपी माझा' डिजीटलमध्ये व्हिडिओ प्रोड्यूसर म्हणून काम करतात. ते विविध विषयांवर व्हिडिओची निर्मिती करतात. त्यात 'कामाची गोष्ट With ABP माझा' ही सिरीझ लोकप्रिय आहे. यात ते दैनंदिन जीवनात आवश्यक असणाऱ्या गोष्टी सोप्या भाषेत मांडतात. पत्रकारिता क्षेत्रामध्ये त्यांना 4 वर्षांपेक्षा अधिकचा अनुभव आहे. याआधी त्यांनी टाईम्स नाऊ मराठी, दिव्य मराठीमध्ये काम केले आहे. राजकीय, सामाजिक आणि विश्लेषणात्मक बातम्यांच्या लिखाणाची आवड असून 'खोटं प्रॉमिस' या कादंबरीचे लेखक आहेत. 'उघड्यावरची भाकर' ही त्यांची कांदबरी लवकरच वाचकांच्या भेटीला येणार आहे.