![ABP Premium](https://cdn.abplive.com/imagebank/Premium-ad-Icon.png)
भारतात उद्या लॉन्च होणार नवीन Maruti Brezza, मिळणार हे जबरदस्त फीचर्स
Maruti Suzuki Upcoming Brezza: कार उत्पादक कंपनी Maruti Suzuki भारतीय बाजारात 30 जून रोजी आपली नवीन मारुती ब्रेझा लॉन्च करणार आहे.
![भारतात उद्या लॉन्च होणार नवीन Maruti Brezza, मिळणार हे जबरदस्त फीचर्स New Maruti Brezza to be launched in India tomorrow You will get these great features भारतात उद्या लॉन्च होणार नवीन Maruti Brezza, मिळणार हे जबरदस्त फीचर्स](https://feeds.abplive.com/onecms/images/uploaded-images/2022/06/29/269e5f2c2de6dca0c7390e729dc98741_original.jpg?impolicy=abp_cdn&imwidth=1200&height=675)
Maruti Suzuki Upcoming Brezza: कार उत्पादक कंपनी Maruti Suzuki भारतीय बाजारात 30 जून रोजी आपली नवीन मारुती ब्रेझा लॉन्च करणार आहे. कंपनीने ही कार खूपच अपडेट केली आहे. याच्या डिझाइनमध्येही कंपनीने बदल केला असून यात अनेक नवीन फीचर्स दिले आहेत. 2022 मारुती ब्रेझा लॉन्च होण्याआधी याची बरीच माहिती समोर आली आहे, आपण हीच माहिती जाणून घेणार आहोत.
2022 मारुती ब्रेझा आकार
- लांबी: 3995 मिमी
- रुंदी: 1790 मिमी
- उंची: 1685 मिमी
- व्हीलबेस: 2500 मिमी
याचा आकार आधीच्या मॉडेलप्रमाणेच ठेवण्यात आला आहे, फक्त त्याची उंची बदलण्यात आली आहे. नवीन Brezza पूर्वीपेक्षा 45 मिमी जास्त आहे. कंपनीने ही कार ग्लोबल सी प्लॅटफॉर्मवर तयार केली आहे.तसेच कंपनीने Brezza एकूण 10 प्रकारांमध्ये उपलब्ध करून दिली आहे. ज्यामध्ये तीन मॅन्युअल प्रकार आणि स्वयंचलित प्रकारांचा समावेश आहे. यामध्ये LXi, VXi, VXi (O), ZXi, ZXi (O) आणि ZXi+ यांचा समावेश आहे.
याच्या डिझाइनबद्दल बोलायचे झाले, तर पुढील भागाला नवीन अवतार दिला जाईल. यात नवीन डिझाइन केलेले हेडलाइट क्लस्टर आणि एलईडी डीआरएलसह दोन ब्लॅक ग्रिल्स मिळतील. नव्याने डिझाइन केलेल्या बंपरला नवीन फॉग लाईट हाऊसिंग आणि सिल्व्हर स्किड प्लेट मिळेल. तसेच याच्या साईडच्या भागाबद्दल सांगायचे तर, नवीन डिझाइन केलेले अलॉय व्हील दिले जातील. मोठ्या क्वार्टर ग्लास आणि शार्क फिन अँटेना देण्यात येईल. कंपनी याला मोनो टोन आणि ड्युअल टोन अशा दोन्ही अवतारात आणणार आहे. नवीन डिझाइन केलेले एलईडी टेललाइट आणि ब्रेझा लेटरिंग मागील बाजूस दिले जाईल.
इंजिन
कंपनी याला सध्याचे 1.5 लीटर पेट्रोल इंजिन देणार आहे, जे 103 bhp आणि 138 न्यूटन मीटर टॉर्कसह येते. या इंजिनसह 5-स्पीड मॅन्युअल आणि फोर-स्पीड टॉर्क कन्व्हर्टर ऑटोमॅटिक गिअरबॉक्स प्रदान करण्यात आला आहे, तरीही 6-स्पीड ऑटोमॅटिक गिअरबॉक्सचा पर्याय त्यात मिळू शकतो.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)