Aurangabad Viral Video: औरंगाबाद शहरात (Aurangabad City) भररस्त्यात दुचाकीस्वार आणि रिक्षाचालक यांच्यातील मारहाणीचा एक व्हिडिओ (Beating Video) समोर आला आहे. गाडीचा धक्का लागल्याच्या किरकोळ कारणावरून हा वाद झाला आणि त्यानंतर दुचाकीस्वार याने रिक्षाचालकाला बेदम मारहाण केली. शहरातील वरद गणेश मंदिर परिसरातील ही घटना आहे. या मारहाणीचा व्हिडिओ सोशल मीडियावर व्हायरल झाला आहे. मात्र पोलिसात कोणतेही तक्रार आली नसल्याने या प्रकरणात गुन्हा दाखल झालेला नाही.
याबाबत अधिक माहिती की, औरंगाबादच्या वरद गणेश मंदिर परिसरात एका मोपेड चालक आणि रिक्षाचालक यांच्यात छोटा अपघात झाला. ज्यात मोपेड चालक रस्त्यावर पडला. उपस्थित लोकांनी त्याला उचलले. मात्र उठताच दुचाकीस्वार अक्षरशः रिक्षाचालकावर तुटून पडल्याचे व्हिडिओत पाहायला मिळत आहे. आजूबाजूला असलेल्या लोकांकडून त्याला थांबवण्याचा प्रयत्न केला जात असतांना तो कहीही एक आयकून घेण्यासाठी तयार नव्हता. लाथाबुक्क्यांनी हा तरुण रिक्षाचालकाला बेदम मारहाण करत होता.
लोकांची गर्दी...
वरद मंदिर परिसरात नेहमी लोकांची गर्दी असते. दरम्यान एका रिक्षाचालकाला तरुण मारहाण करत असल्याचे पाहून लोकांनी घटनास्थळी धाव घेतली. मारहाण करणाऱ्या तरुणाला नागरिकांनी रोखण्याचा प्रयत्न केला. काही महिला देखील तिथे उपस्थित होत्या, त्यांच्याकडून देखील तरुणाला समजवण्यासाठी प्रयत्न झाला, पण हा तरुण कुणाचंच आयकत नव्हता.
कपडे फाटले तरीही मारहाण सुरूच...
रिक्षाचालकाला मारहाण करणारा तरुण एकदम आक्रमक होता. मारहाण करतांना त्याच्या शर्टाची बटणं देखील तुटले, पण तरीही त्याची मारहाण काही थांबत नव्हती. रिक्षाचालकाला रस्त्यावर खाली पाडून हा तरुण त्याला मारहाण करत होता. रिक्षाचालक माफी माघत होता, मारहाण करू नका म्हणून विनंती करत होता. पण तरुणाची काही मारहाण थांबत नव्हती. अखेर लोकांनी दोघांना वेगळं करत रिक्षाचालकाची सुटका केली. त्यामुळे अखेर मारहाण थांबली.
मारहाणीचा व्हिडिओ व्हायरल...
आपल्या दुचाकीला रिक्षाचा धक्का लागल्याने एका तरुणाने रिक्षाचालकाला बेदम मारहाण केली आहे. औरंगाबादच्या वरद गणेश मंदिर परिसरात घडल्याचा व्हिडिओ सोशल मीडियावर व्हायरल झाला आहे. व्हायरल झालेला व्हिडिओ कधीचा आहे, याबाबत अजून कोणतेही अधिकृत माहिती मिळू शकली नाही. मात्र हा व्हिडिओ आज सकाळचा असल्याची प्राथमिक माहिती समोर आली आहे. तर मारहाण झालेल्या रिक्षाचालक किंवा अपघात झालेल्या तरुणाने पोलिसात कोणतेही तक्रार दाखल केलेली नाही. यामुळे पोलिसात गुन्हा दाखल करण्यात आलेला नाही.