महिला सुरक्षेसाठी RPF चा व्हॉट्सअॅप ग्रुप, महिला प्रवाशांचं 'गुड मॉर्निंग'-'गुड नाईट'

'फॉरवर्ड'बाज महिलांमुळे ग्रुपमधील इतर महिला सदस्य आणि पोलिस अधिकारी त्रस्त झाल्या. वैतागलेल्या चारशे जणींनी नाईलाजाने ते ग्रुप लेफ्टही केले. त्यामुळे महिला पोलिस अधिकाऱ्यांनी 'असे' मेसेज पाठवणाऱ्या महिलांना तंबी दिली.

प्रत्येक कोचमध्ये जाऊन महिला पोलिसांनी याविषयी जागरुकता केली. आठ वेगवेगळ्या ग्रुप्समध्ये 1400 महिला सहभागी झाल्या.

मुंबईतील लोकलने दररोज लाखो महिला प्रवास करतात. गर्दीची वेळ असो वा शुकशुकाटाची चोरी, चेन स्नॅचिंग, छेडछाड यासारख्या गुन्ह्यांनी महिला त्रस्त होत्या. त्यामुळे 2016 साली RPF Sakhi नावाच्या व्हॉट्सअॅप ग्रुपची निर्मिती करण्यात आली.

महिला सुरक्षेसाठी सुरु झालेल्या या ग्रुपवर तक्रारी किंवा सूचनांऐवजी 'गूड मॉर्निंग' आणि 'गूड नाईट'च्या मेसेजेसनी उच्छाद मांडला होता.

मुंबईतील पश्चिम रेल्वेवरील आरपीएफने महिलांच्या सुरक्षेसाठी RPF Sakhi हा 'व्हॉट्सअॅप' ग्रुप तयार केला. या ग्रुपवर महिला ट्रेन प्रवासातील कोणतीही तक्रार नोंदवू शकतात.