LIVE UPDATE | मनसे विधानसभा निवडणूक लढवणार : सूत्र

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर

1. मुंबईच्या अनेक भागातून गॅस गळतीच्या तक्रारी, नागरिकांमध्ये भीतीचं वातावरण, अग्निशमन, महापालिका अधिकारी घटनास्थळी

2. बहुमत नसतानाही स्थिर सरकार चालवून दाखवलं, युतीचं घोडं अडलेलं असताना नाशिकमध्ये मोदींचं सूचक विधान, तर राममंदिरावरून टीका करणाऱ्यांना बडबोल्यांची उपमा

3. 22 सप्टेंबरला अमित शाह मुंबई दौऱ्यावर, नारायण राणेंसह रखडलेले भाजपप्रवेश उरकण्याची शक्यता, शाहांच्या युतीसंदर्भातल्या  भूमिकेकडेही लक्ष

4. मनसे विधानसभा लढणार की नाही याचा अद्याप सस्पेन्स, राज ठाकरेंच्या नेतृत्वात आज बैठक तर काँग्रेसची पहिली यादी जाहीर होण्याची शक्यता

5. वंचितशी घटस्फोट घेणाऱ्या एमआयएमकडून पुन्हा मनोमिलनाचे संकेत, जागांची तडजोड झाल्यास आघाडी शक्य, जलिल यांची भाषा बदलली

6. मुंबईतल्या खड्ड्यांवरुन आरजे मलिष्काचे पुन्हा गाण्यातून फटकारे, मुंबईतल्या रस्त्यावर चंद्र उतरल्याचं म्हणत महापालिकेची खिल्ली

14:15 PM (IST)  •  20 Sep 2019

14:21 PM (IST)  •  20 Sep 2019

दिल्लीत निवडणूक आय़ोगाची बैठक संपली, महाराष्ट्र, झारखंड आणि हरयाणामधील विधानसभा निवडणुकांच्या तयारीचा आणि तारखांसंदर्भात चर्चा, आज निवडणुकांची घोषणा होणार नाही

14:13 PM (IST)  •  20 Sep 2019

मनसे विधानसभा निवडणूक लढवणार असल्याची माहिती सूत्रांनी दिली आहे. आगामी निवडणुकीत मनसे 100 जागा लढण्याची शक्यता आहे. पक्षाचे अध्यक्ष राज ठाकर यांनी उमेदावारांची यादी मागवली असल्याची माहिती मिळत आहे. ठाणे, मुंबई, नाशिक, पुणे, औरंगाबादमधून मनसे निवडणूक लढणार असल्याचं कळतं.

14:06 PM (IST)  •  20 Sep 2019

14:05 PM (IST)  •  20 Sep 2019

मुंबई : शिवसेना मंत्र्यांसोबत पक्षप्रमुख उद्धव ठाकरे यांची बैठक पार पडली. मंत्री आणि उद्धव ठाकरे यांच्यात दीड तास चर्चा झाली. युती होईल अशी परिस्थिती आहे. माझी भाजप नेत्यांसोबत बोलणी सुरु आहे. सन्मानपूर्वक जागा मिळाल्यास युती होईल, असा विश्वास उद्धव ठाकरेंनी मंत्र्यांना दिला.