LIVE UPDATE | नवी दिल्ली : संसदेत चाकू घेऊन घुसणारा पोलिसांच्या ताब्यात

Background

1. राज्यभरात गणेशोत्सवाचा उत्साह, सार्वजनिक मंडळांसह घराघरांत बाप्पांचं आगमन, शहरं आकर्षक रोषणाईनं उजळली

2.  मुंबईत गणेश मंडळांचा मोठा उत्साह, पुण्यातही पारंपारिक पद्धतीनं स्वागत होणार, सिद्धीविनायकाच्या मंदिरात भक्तांची गर्दी

3. आगामी विधानसभा निवडणुका राष्ट्रवादाच्या मुद्द्यावर, सोलापुरात अमित शाहांच्या भाषणातून संकेत, राणा, महाडिक, गोरेंच्या हाती भाजपचा झेंडा

4. औरंगाबाद, बीड, उस्मानाबादसह मराठवाड्यात अनेक ठिकाणी जोरदार पाऊस, ओढ्यांना पाणी, शेतकऱ्यांना काहीसा दिलासा

5. भारतासमोर अखेर पाकिस्तान झुकला, कुलभूषण जाधवांना आज न्यायालयीन अधिकार देणार, अटी-शर्थीविना कुलभूषण यांना भेटण्याची भारताची मागणी

6. जमैका कसोटीत विंडीजचा पहिल्या डावात ११७ धावांत खुर्दा, भारताला २९९ धावांची आघाडी; विंडीजला फॉलोऑन न देण्याचा कर्णधार कोहलीचा निर्णय

17:18 PM (IST)  •  02 Sep 2019

केंद्रीय गृहमंत्री अमित शाह 'लालबाग राजा'च्या चरणी, दुपारी सिद्धीविनायकाचं घेतलं होतं दर्शन

15:21 PM (IST)  •  02 Sep 2019

वर्धा : हिंगणघाट येथे गौरी विसर्जन करताना तोल जाऊन पडल्यानं दोन महिला आणि दोन लहान मुलं वणा नदी पात्रात बुडाले, पोलीस कर्मचारी तातडीनं मदतीला धावले, वाहून जात असलेल्या एका महिलेला पोलीस कर्मचाऱ्यानं बाहेर काढून रुग्णालयात दाखल केले मात्र महिलेचा मृत्यू, बेपत्ता असलेल्या तिघांचा शोध सुरू