LIVE BLOG | सातारा पोटनिवडणुकीत उदयनराजे विरुद्ध पृथ्वीराज चव्हाण यांच्यात लढत?

Background

1. भाजप प्रवेशासाठी खासदार उदयनराजे भोसले दिल्लीत दाखल, आज गृहमंत्री अमित शाहांच्या उपस्थितीत भाजपप्रवेश, राजीनामा देत लोकसभाध्यक्षांना खास पगडी भेट

2. एका राजेंचं ठरलं तर दुसऱ्या राजेंमध्ये अजूनही संभ्रम, मेळाव्यानंतरही रामराजे निंबाळकरांचा पक्षांतरासंदर्भात ठोस निर्णय नाही

3. भाजपची महाजनादेश यात्रा आज शरद पवारांच्या बारामतीत, तर पुढील आठवड्यापासून शरद पवारांचाही राज्यभर दौरा

4. शिवसेनेची यादीदेखील मुख्यमंत्रीच ठरवणार, जागावाटपावरून उद्धव ठाकरेंचा उपहासात्मक टोला, आमचं ठरलंय म्हणत युतीवरही अप्रत्यक्ष शिक्कामोर्तब

5. आदित्य ठाकरेंनी ग्रामीण महाराष्ट्रातून विधासभा निवडणूक लढवावी, राजकीय चाणक्य प्रशांत किशोरांचा सल्ला, निर्णयाकडे राजकीय विश्लेषकांचं लक्ष

6. राष्ट्रवादीचे आमदार भास्कर जाधव शिवसेनेत दाखल, तर एन्काऊंटर स्पेशालिस्ट प्रदीप शर्मांच्या खांद्यावरही भगवा, नालासोपाऱ्यातून उमेदवारी मिळण्याची शक्यता

7. अस्तित्वाची लढाई ठरणारी विधानसभेची निवडणूक लढण्यासंदर्भात मनसे नेत्यांमध्ये दुमत, राज ठाकरेंच्या निर्णयाकडे लक्ष, पक्षासमोर आव्हानांचा डोंगर

8. मंत्रिमंडळ विस्ताराला आव्हान देणारी याचिका हायकोर्टानं फेटाळली, पक्ष बदलणाऱ्या नेत्यांचा फैसला मतदारच करतील, सुनावणीदरम्यान हायकोर्टाचं मत

9. संपूर्ण महाराष्ट्राचं श्रद्धास्थान असलेल्या पंढरपूरच्या विठ्ठल मूर्तीची झीज सुरुच, पुन्हा एकदा लेपन प्रक्रिया होणार, तर मूळ मुद्द्यांकडे मात्र सरकारचं दुर्लक्ष

10. निवड रद्द झालेल्या 118 सहाय्यक मोटार वाहन निरीक्षकांची अतिरिक्त पदावर नियुक्ती करणार, परिवहन मंत्री दिवाकर रावतेंची माहिती

15:34 PM (IST)  •  14 Sep 2019

सातारा पोटनिवडणुकीत उदयनराजे विरुद्ध पृथ्वीराज चव्हाण यांच्यात लढत? साताऱ्याच्या लोकसभा पोटनिवडणुकीत उदयनराजे भोसलेंविरोधात पृथ्वीराज चव्हाण यांनी निवडणूक लढवावी, असे आदेश काँग्रेस पक्षश्रेष्ठींनी दिला आहे. सातारा मतदारसंघ आघाडीत राष्ट्रवादीच्या ताब्यात आहे, राष्ट्रवादी काँग्रेस पक्ष त्यावरील दावा सोडण्यास तयार आहे.काँग्रेस कार्यकर्त्यांचे पृथ्वीराज चव्हाणांच्या होकाराकडे लक्ष.

12:52 PM (IST)  •  14 Sep 2019

मेट्रो 3चा बोगदा खणताना दगड कोसळून एका कामगाराचा मृत्यू :- मेट्रो 3 साठी मुंबईत सध्या जमिनीच्या पोटात शिरुन काम सुरु आहे. या कामादरम्यान सीप्झ आणि सारिपूतनगरदरम्यान क्रॉस पँसेजमधील लहान बोगदे खणताना दोन कामगारांच्या अंगावर एक भला मोठा दगड कोसळला. दोघेही दगडाखाली अडकले. हा भला मोठा दगड हटवून दोन्ही कामगारांना रुग्णालयात दाखल करण्यात आले. त्यापैकी एका कामगाराची प्रकृती स्थिर आहे तर दुसऱ्या कामगाराला रुग्णालयात मृत घोषित करण्यात आले.

09:25 AM (IST)  •  14 Sep 2019

नवी दिल्लीत गृहमंत्री अमित शाहांच्या उपस्थितीत उदयनराजे भोसले यांचा भाजपप्रवेश, मुख्यमंत्री देवेंद्र फडणवीस आणि भाजप प्रदेशाध्यक्ष चंद्रकांतदादा पाटीलही उपस्थित

09:29 AM (IST)  •  14 Sep 2019