Mumbai Rain LIVE | अंधेरी, घाटकोपरसह अनेक रेल्वे स्थानकांमध्ये प्रवाशांची मोठी गर्दी, कामावरुन परतणाऱ्या मुंबईकरांचे हाल

Background

1. लालबागच्या राजाच्या दानपेटीत भक्तांच्या इच्छांचा महापूर, चांगल्या बायकोपासून ते बिअर शॉपीचं लायसन्स मिळण्यासाठी बाप्पाला साकडं
   
   
   2. दीड दिवसाच्या गणपतीला भावपूर्ण निरोप, पुण्यात कृत्रिम तलावांचा वापर, तर गणपती दर्शनासाठी नेत्यांनी चढली विरोधकांच्या घराची पायरी
   
   
   3. जोरदार पावसामुळे मुंबईत किंग्स सर्कल, दादर, हिंदमाता परिसरात पाणी तुंबलं, कामावरुन घरी परतणाऱ्या चाकरमान्यांना मनस्ताप
   
   
   4. मुंबईलगतच्या उरणमधील ओएनजीसी प्लँटची आग आटोक्यात, चौघांचा मृत्यू, गळतीमुळं लगतच्या वस्तीलाही आगीच्या झळा
   
   
   5. वर्षा बंगल्यावर रात्री 10 वाजता भाजप कोअर कमिटीची बैठक, तर विधानसभा निवडणुकीत महायुतीला तब्बल 229 जागा मिळणार, भाजपच्या सर्व्हेचा दावा
   
   6. जीडीपीची घसरण आणि वाहन कंपन्यांच्या विक्रीत झालेल्या घटीचा शेअर बाजारावर परिणाम, सेन्सेक्स 800 अंकांनी घसरला, तर निफ्टीच्या अंकातही 225 अंकांची घसरण

 

20:19 PM (IST)  •  04 Sep 2019

हाफिज सईद, दाऊद इब्राहिम, मसूद अझहर आणि जकी-उर-रहमान भारताच्या नव्या युएपीए कायद्यांतर्गत दहशतवादी घोषित

20:14 PM (IST)  •  04 Sep 2019

राधानगरीचे चार स्वयंचलित दरवाजे उघडले, 7112 क्युसेक विसर्ग, सायंकाळी 7 वाजता राजाराम बंधारा येथील पंचगंगा नदीची पातळी 23.9 इंच , कोल्हापूर जिल्ह्यातील 16 बंधारे पाण्याखाली

19:42 PM (IST)  •  04 Sep 2019

LIVE UPDATE | शिवसेना-भाजप जागावाटपाच्या बैठकीला आजपासून सुरुवात, चंद्रकांत पाटील, गिरीश महाजन आणि सुभाष देसाई यांच्यात पहिली बैठक, घटक पक्षांच्या वाट्याला कुठल्या आणि किती जागा येतील, सर्व्हे आणि उर्वरित जागांवरच्या वाटाघाटींवर झाली प्राथमिक चर्चा @ritvick_ab

20:04 PM (IST)  •  04 Sep 2019

मुंबईत आता काही प्रमाणात पाऊस ओसरला असला तरी कामावरुन परतणाऱ्या मुंबईकरांचे मेगा हाल सुरु आहेत. कारण, पावसामुळे रेल्वे वाहतूक विस्कळीत झाल्यानं रेल्वे स्थानकांवर प्रवाशांची मोठी गर्दी पाहायला मिळत आहे. अंधेरी रेल्वे स्थानकात झालेली गर्दी मुंबईची अवस्था विषद करते... लोकलच नसल्याने या स्थानकावर तुफान गर्दी झाली आहे... ही अवस्था फक्त अंधेरीची नाही...तर घाटकोपरसह अनेक रेल्वे स्थानकांमध्ये प्रवाशांची मोठी गर्दी झाली आहे.

12:37 PM (IST)  •  04 Sep 2019

वसई : गेल्या 8 तासांत वसई-विरार भागात पावसाची जोरदार बॅटिंग, नालासोपाराला रेल्वे रुळांवर पाणी साचल्यामुळे विरारहून चर्चगेटला जाणारी रेल्वेसेवा ठप्प, मुंबईच्या दिशेने जाणाऱ्या लांब पल्ल्याच्या रेल्वेगाड्याही विरार रेल्वेस्थानकावर थांबवल्या, विरारहून डहाणूच्या दिशेने जाणारी रेल्वे वाहतूक धीम्या गतीने, प्रवाशांचे हाल