World Earth Day 2022 : गुगल प्रत्येक खास दिवशी आपले डूडल (Google Doodle) बनवतो आणि या डूडलद्वारे खास संदेशही देतो. आज जागतिक वसुंधरा दिनानिमित्त गुगलने एक खास डूडल बनवून पृथ्वीचे स्वरूप कसे बदलत आहे हे सांगितले आहे.
काय खास आहे या गुगल डूडलमध्ये?
डूडल (Google Doodle) मध्ये चार स्थानांच्या अॅनिमेशनची मालिका दाखविण्यात आली आहे. हवामान बदलाचा पृथ्वीवर कसा परिणाम झाला आहे हे दाखवण्यासाठी हे अॅनिमेशन तयार करण्यात आले आहे. अॅनिमेशनमध्ये वेगवेगळ्या वर्षांची चित्रे आहेत. Google Earth Timelapse आणि इतर स्त्रोतांकडून टाइम-लैप्स इमेजरीचा वापर करून, डूडल आपल्या ग्रहाभोवती चार वेगवेगळ्या ठिकाणी हवामान बदलाचा प्रभाव दर्शवतोय. अॅनिमेशनमधील चार प्रतिमा टांझानियामधील माउंट किलिमांजारो, सेमेरसुकिन ग्रीनलँड, ऑस्ट्रेलियातील ग्रेट बॅरियर रीफ आणि जर्मनीतील अॅलेंडमधील हार्ज फॉरेस्टच्या आहेत. हे अॅनिमेशन प्रत्येक तासानंतर बदलतील.
या दिवशी प्रथम वसुंधरा दिन साजरा करण्यात आला
1970 मध्ये प्रथमच जागतिक पृथ्वी दिवस 2022 साजरा करण्यात आला. 1969 मध्ये, ज्युलियन कोनिग यांनी पर्यावरणाचे रक्षण करण्यासाठी या चळवळीला पृथ्वी दिवस (जागतिक पृथ्वी दिवस 2022 थीम) असे नाव दिले आणि हा दिवस 22 एप्रिल रोजी साजरा करण्यात आला. पृथ्वी दिन संपूर्ण जगभरात वर्षातून दोन दिवस (21 मार्च आणि 22 एप्रिल) साजरा केला जात होता. 1970 मध्ये जेव्हा पृथ्वी दिन पहिल्यांदा साजरा करण्यात आला, तेव्हापासून संपूर्ण जग या दिवशी पृथ्वी दिन साजरा करते. पर्यावरण रक्षणाबाबत लोकांना जागरूक करणे हा या दिवसाचा उद्देश आहे. यामुळेच या प्रयत्नाचे संयुक्त राष्ट्रांनीही कौतुक केले आणि 2009 मध्ये वसुंधरा दिनाला संयुक्त राष्ट्र संघाचाही पाठिंबा मिळाला.
तुम्हीही योगदान देऊ शकता.
जागतिक वसुंधरा दिन यशस्वी करण्यासाठी तुम्हीही योगदान देऊ शकता. त्यासाठी झाडे लावण्याचा आग्रह धरावा. तसेच प्लास्टिकचा वापर टाळावा. आपला परिसर स्वच्छ ठेवा आणि विजेची जास्तीत जास्त बचत करा.
संबंधित बातम्या
World Earth Day 2022 : पृथ्वीला नष्ट होण्यापासून वाचवण्याची मोहीम कशी सुरू झाली? जाणून घ्या सविस्तर