Women Health: आश्चर्यच! महिलेने 2 दिवसांत दिला 2 मुलांना जन्म? डॉक्टरही आश्चर्यचकित! गर्भधारणेच्या या दुर्मिळ प्रकरणाबद्दल जाणून घ्या

Women Health:  हे प्रकरण पाहून डॉक्टरही आश्चर्यचकित झाले असून अनेकजण याला देवाचा चमत्कार मानत होते, जाणून घ्या ही दुर्मिळ गर्भधारणा काय आहे?

Women Health: जगात अनेक धक्कादायक आणि विचित्र घटना घडत असतात, अशीच एक दुर्मिळ घटना अमेरिकेतील अलाबामा शहरात घडली. ही घटना अमेरिकेतील असून या महिलेने दोन दिवसात दोन मुलांना जन्म दिलाय.  हे प्रकरण पाहून डॉक्टरही आश्चर्यचकित झाले असून अनेकजण याला देवाचा चमत्कार मानत होते, जाणून घ्या ही दुर्मिळ गर्भधारणा काय आहे?

महिलेच्या शरीरात दोन गर्भाशय

महिलेच्या शरीरात दोन गर्भाशय सापडले. एवढेच नाही तर या दोघांनाही मुले होत होती आणि आता या महिलेने 2 मुलींना जन्म दिला आहे. एके दिवशी मुलगी झाली आणि दुसऱ्या दिवशी दुसरी मुलगी झाली. दोन मुलींचा जन्म 20 तासांच्या अंतराने झाला होता, पण त्या जुळ्या नाहीत. हे प्रकरण पाहून डॉक्टरही आश्चर्यचकित झाले असून याला देवाचा चमत्कार मानत आहेत, ही गरोदर महिला जेव्हा अल्ट्रासाऊंडसाठी आली होती, तेव्हा तिच्या दोन्ही गर्भात बालकांचे अस्तित्व समोर आले होते.

आई आणि दोन्ही मुली पूर्णपणे निरोगी

केल्सी हॅचर असे या महिलेचे नाव आहे. केल्सी, 32, मागच्या वर्षी डिसेंबर महिन्यात बर्मिंगहॅम विद्यापीठ (UAB) रुग्णालयात जन्म या मुलांचा जन्म झाला होता. मंगळवारी तिने एका मुलीला जन्म दिला आणि या प्रसूतीनंतर 20 तासांनी बुधवारी दुसरी मुलगी झाली होती. यूएस सेंटर्स फॉर डिसीज कंट्रोल अँड प्रिव्हेन्शनच्या मते, गर्भधारणेचे दुर्मिळ प्रकरण दशलक्षांपैकी एक आहे, परंतु केल्सीची गर्भधारणा आणखी दुर्मिळ आहे. 2 हजारांपैकी एका महिला दुहेरी गर्भाशयाच्या माध्यमातून जन्म देते, परंतु गर्भधारणेदरम्यान दोन्ही मुले होणे प्रत्येकाला शक्य नसते. केल्सीचे प्रकरण खरोखरच धक्कादायक आहे. केल्सी आणि तिच्या दोन्ही मुली पूर्णपणे निरोगी आहेत.

असा प्रकार बांगलादेशातही आढळून आला होता..

केल्सी सांगतात की वयाच्या 17 व्या वर्षी तिला समजले की, तिच्या शरीरात दोन गर्भाशय आहेत, ज्यांना 'यूटरस डिडेल्फिस' म्हणतात. 2019 मध्ये, बांगलादेशातील एका डॉक्टरने बीबीसीला सांगितले की एका महिलेला दोन गर्भाशय होते, परंतु येथील परिस्थिती इतकी धक्कादायक होती की एका गर्भाशयातून मूल वेळेपूर्वी जन्माला आले. दुसऱ्याने एका महिन्यानंतर जन्म दिला, तोही जुळ्या मुलांना. केल्सी सांगते की, सुरुवातीला तिला फक्त एकच गर्भधारणा जाणवत होती, पण 8 आठवड्यांपूर्वी एकदा दुसरी गर्भधारणा झाल्याचे समजल्यानंतर ती घाबरली की हे कसे होईल? पण पती आणि डॉक्टरांनी तिला साथ दिल्याने तिची हिंमत वाढली.

 

गर्भाशयाच्या डिडेल्फीस म्हणजे काय?

गर्भाशय डिडेल्फिस म्हणजे शरीरात 2 गर्भाशय असणे. हे गर्भधारणेदरम्यान गुंतागुंत आणि मासिक पाळीच्या दरम्यान असह्य वेदना यामुळे असू शकते. काही लोक त्यापासून मुक्त होण्यासाठी शस्त्रक्रिया करतात, परंतु बहुतेक प्रकरणांमध्ये उपचारांची आवश्यकता नसते. दोन्ही गर्भाशय सामान्य गर्भाशयापेक्षा अरुंद असतात. दोघांची स्वतःची फॅलोपियन ट्यूब आणि अंडाशय आहेत.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )