Women Health : सगळ्यांची मर्जी राखते...सगळ्यांना हवं नको ते बघते..सगळ्यांची काळजी घेते...पण स्वत:कडे लक्ष द्यायला विसरते...पण महिलांनो आता स्वत:ची काळजी घ्यायची वेळ आलीय. कारण सध्या स्त्रियांमध्ये सांधेदुखीची (Bones Joint Pain) समस्या जास्त दिसून येत आहे. खराब जीवनशैली, खाण्यापिण्याच्या चुकीच्या सवयी आणि व्यायामाचा यामुळे ही समस्या वाढते. 40 वर्षांनंतर, बहुतेक महिलांना उठताना, बसताना किंवा चालताना सांधेदुखी आणि कडकपणा यासारख्या समस्या सुरू होतात. वाढत्या वयाबरोबर ही समस्याही वाढत जाते. वेळीच काळजी न घेतल्यास या समस्येचे रूपांतर संधिवात आणि ऑस्टिओपोरोसिसमध्ये होऊ शकते. तज्ज्ञांच्या मते, याचे कारण शरीरातील पोषक तत्वांची विशेषतः कॅल्शियमची कमतरता मानली जाते. ऑर्थोपेडिक तज्ज्ञांनी याचे मुख्य कारण तसेच या समस्येने त्रस्त रुग्णांनी काय करावे आणि काय करू नये हे सांगितले?
हार्मोनल बदल
महिलांमध्ये हाडे आणि सांधे समस्या अधिक सामान्य आहेत, तज्ज्ञांनी सांगितले की, पुरुष आणि महिलांमध्ये या समस्यांची कारणे आणि परिणाम वेगवेगळे आहेत, त्यामुळे उपचाराच्या पद्धतीही वेगळ्या असाव्यात. स्त्रियांमध्ये हाडे आणि सांधेदुखीची मुख्य कारणे हार्मोनल बदल आणि स्वयंप्रतिकार रोग आहेत. मासिक पाळीच्या दरम्यान आणि रजोनिवृत्तीनंतर महिलांच्या शरीरात हार्मोनल असंतुलन होते, ज्यामुळे हाडांच्या ताकदीवर परिणाम होतो. याव्यतिरिक्त, संधिवात सारखे स्वयंप्रतिकार रोग, स्त्रियांमध्ये हाडे आणि सांधेदुखी देखील वाढवू शकतात.
व्हिटॅमिन डी आणि कॅल्शियमची कमतरता
भारतीय स्त्रिया, विशेषत: मेनोपॉज म्हणजेच रजोनिवृत्तीनंतरच्या काळात, हाडांच्या कमकुवतपणा आणि ऑस्टिओपोरोसिसला बळी पडतात. याचे मुख्य कारण म्हणजे हाडांच्या आरोग्यासाठी अत्यंत आवश्यक असलेल्या व्हिटॅमिन डीची कमतरता. व्हिटॅमिन डी आणि कॅल्शियमच्या कमी प्रमाणात हाडे कमकुवत होतात, ज्यामुळे सांधे दुखतात आणि समस्या निर्माण होतात.
मासिक पाळी आणि रजोनिवृत्तीचे परिणाम
महिलांमध्ये मासिक पाळी आणि रजोनिवृत्ती दरम्यान हार्मोनल असंतुलन हाडांच्या मजबुतीवर परिणाम करते. या काळात हाडे सहज कमकुवत होतात आणि त्यांची तुटण्याची शक्यता वाढते.
निरोगी जीवनशैलीची गरज
व्हिटॅमिन डी आणि कॅल्शियम समृद्ध आहार घेणे हे हाडे आणि सांधे यांचे आरोग्य राखण्यासाठी अत्यंत महत्वाचे आहे. याव्यतिरिक्त, नियमित व्यायाम आणि संतुलित जीवनशैली हाडे मजबूत ठेवण्यास मदत करू शकते. तज्ज्ञांचे म्हणणे आहे की, भारतीयांमध्ये व्हिटॅमिन डीच्या कमतरतेचे प्रमाण 70-90 टक्के आहे, त्यामुळे ते नियमितपणे तपासले पाहिजे आणि आवश्यकतेनुसार पूरक आहार घ्यावा.
निदान आणि प्राथमिक उपचार
हाडे आणि सांधेदुखीची समस्या प्रारंभिक अवस्थेत ओळखल्यास गंभीर समस्या टाळता येऊ शकतात. त्यामुळे हाडे कमकुवत होण्याची किंवा दुखण्याची लक्षणे जाणवल्यास ताबडतोब वैद्यकीय सल्ला घ्या आणि आवश्यक चाचण्या करून घ्या. स्त्रियांमध्ये हाडे आणि सांधेदुखीची समस्या असते, त्याची अनेक कारणे असू शकतात. योग्य निदान आणि वेळेवर उपचार करून ही समस्या आटोक्यात आणता येते. व्हिटॅमिन डी आणि कॅल्शियमची योग्य पातळी राखून आणि जीवनशैलीत बदल करून हाडे आणि सांधे यांचे आरोग्य सुधारले जाऊ शकते.
हेही वाचा>>>
Women Health : तुमची 'लाडकी लेक' वयात येणार! तिच्या पहिल्या मासिक पाळीसाठी 'असं' करा तयार, या गोष्टींबद्दल जरूर बोला
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )