Travel : सुख कळले.. भारतात 'इथे' मिळेल आनंदाची अनुभूती, शांतता आणि गारवा! 'ही' अत्यंत नितळ, शांत नदी पाहिली?

Travel : या नदीवर बोट चालवताना काचेवर बोट फिरत असल्याचा भास होतो. भारतात इतकं स्वच्छ पाणी असलेली नदी कुठंय? जाणून घ्या

Travel : देशात सध्या उष्णतेची लाट वाढत चाललीय. या उष्णतेपासून दिलासा मिळावा यासाठी जो तो सुट्टी प्लॅन करताना दिसत आहे, रोजचे धकाधकीचे जीवन, कामाचा ताण, बदलती जीवनशैली यापासून दोन क्षण जरी शांततेचे आणि सुखाचे मिळावे याकरिता आपल्या कुटुंबासोबत ट्रीप प्लॅन करत आहे. पण भारतात अशी कोणती जागा आहे, जिथे गेल्यानंतर तुम्हाला सुखाची अनुभूती मिळेल.  

 

थंड आणि नैसर्गिक ठिकाणांना भेट देण्याचा प्लॅन करताय? 

बहुतांश देशांमध्ये उष्मा वाढला आहे. आता अशा परिस्थितीत अनेक लोक थंड आणि नैसर्गिक ठिकाणांना भेट देण्याचा विचार करत असतील. अशात देशाच्या पूर्वेकडील भागात एक असे राज्य आहे ज्याचे सौंदर्य पाहण्यासारखे आहे. शहरांमध्ये राहणाऱ्या लोकांना अनेकदा नैसर्गिक हवा आणि हिरवीगार झाडे असलेल्या ठिकाणी जाणे आवडते. होय, आम्ही मेघालयबद्दल बोलत आहोत.

 

इथले सौंदर्य तुम्हाला देईल सुखाची अनुभूती!

मेघालय आपल्या सौंदर्यासाठी खूप प्रसिद्ध आहे. मेघालयमध्ये पाहण्यासारखी अनेक ठिकाणे आहेत पण एक नदी देखील आहे ज्याचे पाणी अगदी स्वच्छ आहे. या नदीचे नाव उमंगोट नदी असून तिला डोकी तलाव असेही म्हणतात. ही नदी अतिशय सुंदर, शांत आणि अतिशय स्वच्छ आहे. मेघालयातील भारत-बांगलादेश सीमेवर डॉकी हे एक छोटेसे शहर आहे. हे पूर्व खासी हिल्स जिल्ह्यातील मावलिनॉन्ग या गावाजवळ आहे आणि 2003 मध्ये आशियातील सर्वात स्वच्छ गाव म्हणून ओळखले गेले. मेघालय राज्यात एक नदी आहे जिला सर्वात स्वच्छ नदीचा दर्जा मिळाला आहे. 

 

ही नदी कोठून उगम पावते?

ही नदी बांगलादेशातील डॉकीमधून वाहते. जैंतिया आणि खासी टेकड्यांचे दोन भाग करते. मावल्यन्योंग या गावामधून ही नदी जाते. हे ठिकाण मेघालयची राजधानी शिलाँगपासून 74 किमी अंतरावर आहे. उमंगोट ही भारतातील सर्वात स्वच्छ नद्यांपैकी एक मानली जाते आणि मच्छिमारांसाठी एक महत्त्वाचे ठिकाण आहे. येथे एक स्विंग ब्रिज आहे, ज्याला डॉकी ब्रिज म्हणतात, जो नदीवर बांधलेला आहे.

 

कसे पोहोचायचे?

डॉकीचे सर्वात जवळचे विमानतळ शिलॉन्गमधील उमरोई विमानतळ आहे जे 100 किमी अंतरावर आहे. प्रवाशांना अनेकदा गुवाहाटी, आसाम येथील लोकप्रिय गोपीनाथ बोरदोलोई आंतरराष्ट्रीय विमानतळावर उड्डाण करणे अधिक सोयीचे वाटते आणि नंतर शिलॉन्ग मार्गे डॉकीपर्यंत रस्त्याने प्रवास करता येईल

गुवाहाटी येथील विमानतळ सुमारे 200 किमी अंतरावर आहे आणि देशातील अनेक शहरांशी चांगली कनेक्टिव्हिटी आहे. दोन्ही विमानतळांपासून डॉकीपर्यंत बस आणि टॅक्सी सहज उपलब्ध आहेत.

जर बजेट ही समस्या नसेल, तर प्रवासी गुवाहाटी ते शिलाँग आणि नंतर डॉकीला जाण्यासाठी हेलिकॉप्टर राईड बुक करू शकतात.

डॉकीपासून जवळचे रेल्वे स्टेशन गुवाहाटी रेल्वे स्टेशन आहे. जे सुमारे 170 किमी अंतरावर आहे. प्रवासी स्टेशनवरून बस किंवा खाजगी टॅक्सी घेऊ शकतात आणि रस्त्याने डॉकीला पोहोचू शकतात. जे शिलाँग मार्गे जातात. या संपूर्ण प्रवासाला अंदाजे 5 तास लागतात.

 

कोणत्या हंगामात जायचे?

डॉकीला भेट देण्याचा सर्वोत्तम काळ नोव्हेंबर ते मे आहे. कारण हिवाळा आणि उन्हाळा हा नोव्हेंबर ते मे या कालावधीतील नैसर्गिक सौंदर्य पाहण्यासाठी सर्वोत्तम वेळ आहे. पावसाळ्यात जाणे टाळावे.

 

या ठिकाणांनाही भेट द्या

डॉकी बाजारापासून 1 किमी अंतरावर असलेल्या जाफलाँग झिरो पॉइंटवर जा. ही सीमा भारताला बांगलादेशपासून वेगळे करते.

डोकी-रिवाई रोडवरील जंगली टेकड्यांमध्ये बुरहिल फॉल्सचा आनंद लुटता येईल.

उमंगोट नदीच्या जवळ श्नॉन्गपडेंग येथे कॅम्पिंगसाठी जाता येते.

डॉकीला भेट देणाऱ्या प्रत्येकासाठी Mawlynnong ला भेट द्यायलाच हवी.

80 घरांच्या या गावात उपलब्ध होमस्टे आणि गेस्ट हाऊसमध्ये तुम्ही शांत जीवनाचा आनंद घेऊ शकता.

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )

महत्त्वाच्या इतर बातम्या :