रोज सकाळी रनिंग-जॉगिंग करणं उत्तम, पण Running करताना 'ही' काळजी नाही घेतली तर मात्र धोके
रोज धावण्याचे किंवा जॉगिंग करण्याचे देखील अनेक फायदे आहेत. मात्र धावताना तुम्ही काही चुका केल्या, तर त्याच्या तोट्यांनाही सामोरं जावं लागतं.
मुंबई: आपलं शरीर तंदुरुस्त ठेवण्यासाठी धावणे म्हणजेच रनिंग आणि जॉगिंग एक उत्तम उपाय आहे. रोज व्यायामाचे आपल्याला अनेक फायदे आहेत. यात धावण्याचे किंवा जॉगिंग करण्याचे देखील अनेक फायदे आहेत. मात्र धावताना तुम्ही काही चुका केल्या, तर त्याच्या तोट्यांनाही सामोरं जावं लागतं.
रनिंग-जॉगिंगवेळी काय काय काळजी घ्यावी?
स्ट्रेचिंग -
संशोधनानुसार स्ट्रेचिंग हे धावणाऱ्यांसाठी योग्य नाही. साधं-सोपं बसून स्ट्रेचिंगही तुमची क्षमता कमी करु शकतं. स्ट्रेचिंगमुळे स्नायू आणि मेंदू दरम्यानच्या वहनावर परिणाम होतो. त्यामुळे स्नायूंची क्षमता आणि शक्ती कमी होते.
खूप खाऊ नये
रनिंग आणि जॉगिंगपूर्वी खूप काही खाऊ नये. पोटभर खाऊन धावल्याने पचनक्रियेवर आणि रक्ताभिसरणावर परिणाम होऊ शकतो.
खूप पाणी किंवा काहीच पाणी न पिणे
धावण्यापूर्वी खूप पाणी पिणे किंवा काहीच पाणी न पिणे हे धोकादायक आहे. धावण्यापूर्वी/धावताना थोडंस पाणी प्यावं.
फ्रेश न होणं
काही लोक रनिंग किंवा जॉगिंगला जाण्यापूर्वी फ्रेश होत नाहीत, टॉयलेटला जात नाहीत. मात्र त्यामुळे विपरीत परिणाम होऊ शकतो. लघवी किंवा संडासला न जाता व्यायाम करणं चुकीचं आहे.
शरिराविरोधात कृती करु नये
जर तुम्हाला धावताना शरिराची साथ मिळत नसेल, तर विनाकारण जबरदस्तीने धावू नका. शक्य होईल तितकंच धावावं. याऊलट जबरदस्तीने धावल्यास तुम्ही त्वरीत थकू शकता, तसंच तुम्हाला अंगदुखीचा त्रास होऊ शकतो.
घाम आलेल्या कपड्यांमध्ये जास्त वेळ राहु नका
रनिंग केल्यानंतर सहाजिकच आपल्याला घाम येतो. त्यामुळं घाम आल्यानंतर जास्तवेळ त्याच कपड्यांमध्ये राहू नये. यामुळं त्वचेचे रोग होण्याची शक्यता असते.
महत्त्वाच्या बातम्या
