Weight Loss: आपल्या जबरदस्त कॉमेंट्रीसाठी प्रसिद्ध असलेले माजी क्रिकेटर नवज्योत सिंह सिद्धू सध्या खूप ट्रेंड करत आहे. नवज्योत सिंग सिद्धू सध्या एका वेगळ्याच कारणामुळे चर्चेत आहे. आजकाल ते वजन कमी करण्याकडे खूप लक्ष देत आहे. सोशल मीडियावर लोकांसोबत एक पोस्ट शेअर करून त्यांनी सांगितले की, त्याने केवळ 5 महिन्यांत 33 किलो वजन कसे कमी केले. त्यांचे वेट लॉस सीक्रेट तुम्हालाही जाणून घ्यायचंय? तर आज आम्ही तुम्हाला सिद्धू यांचे वेट लॉस सीक्रेट सांगणार आहोत.


पत्नीचा कॅन्सर पराभूत करण्यासाठी चर्चेत


नवज्योत सिंह सिद्धू अलीकडेच आपल्या पत्नीचा कॅन्सर पराभूत करण्यासाठी चर्चेत होता, ज्यामध्ये त्यांनी सांगितले होते की, आपल्या पत्नीचा कर्करोग आयुर्वेदाच्या मदतीने बरा झाला आहे. या वस्तुस्थितीवर लोकांची भिन्न मते होती. सिद्धू याआधीही अनेकदा आपल्या वादग्रस्त कृतींमुळे चर्चेचा विषय बनला असला तरी यावेळी तो वेगळ्याच कारणाने व्हायरल होत आहे. प्रत्यक्षात नवज्योत सिंह सिद्धूने त्यांचे वजन कमी केले आहे, ज्यामुळे लोकांसमोर अतिशय आश्चर्य बाब समोर आलीय. त्यांनी आपले वजन कसे कमी केले? जाणून घेऊया.


सिद्धूंनी 5 महिन्यांत 33 किलो वजन कमी कसे केले?


नवज्योत सिंग सिद्धू यांनी सोशल मीडियावर एक पोस्ट शेअर केली आणि लोकांना सांगितले की, त्यांनी 5 महिन्यांत 33 किलो वजन कमी केले आहे. त्यांनी पूर्वीच्या फोटोमध्ये आधी आणि नंतर लिहून लोकांना याची माहिती दिली आहे. सिद्धू यांनी पोस्टसोबत एक कॅप्शनही लिहिले, ज्यामध्ये त्याने वजन कमी करण्यासाठी 5 महत्त्वाच्या गोष्टी फॉलो केल्याचं म्हटलं आहे. जर कोणी या नियमांचे पालन केले तर वजन कमी करणे सोपे आहे. असा सिद्धू यांचा दावा आहे. 






त्या 5 गोष्टी काय आहेत?


इच्छाशक्ती- कोणतेही काम करण्यासाठी मनाचीही तयारी असावी लागते, इच्छाशक्ती प्रबळ असेल तर कोणतेही अवघड काम सहज पार पडते.


शिस्त- प्रत्येकाच्या आयुष्यात शिस्त असणे गरजेचे आहे. आपला संकल्प पूर्ण करण्यासाठी लोकांना शिस्तबद्ध राहावे लागते, तरच ते यशस्वी होतात.


चालणे- वजन कमी करण्यासाठी शारीरिक हालचालीही महत्त्वाच्या आहेत. चालणे ही सर्वात सोपी आणि फायदेशीर सराव आहे.


प्राणायाम- हा श्वासोच्छवासाचा व्यायाम केल्याने शरीराला अनेक प्रकारे फायदा होतो. यामुळे शरीरातील चयापचय क्रिया मजबूत होते.


आहार- योग्य आहाराचे सेवन करूनही वजन कमी करता येते. शरीरासाठी चांगला आणि संतुलित आहार घेणे देखील महत्त्वाचे आहे.


नवज्योत सिंग सिद्धू यांनी ऑगस्टपासून या नियमांचे पालन करण्यास सुरुवात केली, त्यानंतर 5 महिन्यांत त्यांचे वजन 33 किलोने कमी झाले. 


हेही वाचा>>>


Women Health: मासिक पाळीच्या किती दिवसांनंतर गर्भधारणा शक्य असते? योग्य वेळ अनेकांना माहीत नाही, स्त्रीरोगतज्ज्ञ सांगतात..


(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )