Health : आजकालच्या बदलत्या जीवनशैलीमुळे अनेकांना विविध आजारांनी ग्रासलंय, कामाचा ताण, धावपळीचे जीवन, खाण्याच्या अयोग्य वेळा, व्यायामाचा अभाव, कौटुंबिक जबाबदाऱ्यांमुळे लोकांना अनेक समस्यांना सामोरं जावं लागतंय. हृदयविकाराचा झटका ही अशी स्थिती आहे की त्याचे नाव ऐकताच लोक घाबरतात. त्याच वेळी, लोक निरोगी राहण्यासाठी आणि हृदयविकाराच्या झटक्यासारख्या स्थिती टाळण्यासाठी सर्वतोपरी प्रयत्न करतात. निरोगी आहाराशी संबंधित सवयी आणि निरोगी जीवनशैलीच्या मदतीने हृदयविकाराचा धोका बऱ्याच प्रमाणात कमी करता येतो. आरोग्य तज्ज्ञ सांगतात, हृदयविकाराचा झटका येण्याच्या आसपासची वेळ ओळखून किंवा शरीरात दिसणारी हृदयविकाराची पूर्व लक्षणे ओळखली गेली, तर तुमचे किंवा इतरांचे प्राण वाचवणे सोपे होऊ शकते. हृदयविकाराचा झटका येण्यापूर्वीच शरीरात काही लक्षणं दिसतात, जाणून घेऊया कोणती आहेत ती लक्षणं?
हृदयविकाराचा झटका येण्यापूर्वी शरीरात दिसतात 'ही' लक्षणं
हृदयविकाराचा झटका येण्यापूर्वी, शरीर काही महिने आधीच हृदयाच्या कमकुवतपणाची चिन्हे देऊ लागते. हृदयविकाराच्या झटक्याची काही लक्षणे महिने, काही आठवडे किंवा दोन आठवडे अगोदर दिसू शकतात. ही लक्षणे फक्त समजून घेऊन आणि योग्य वेळी वैद्यकीय मदतीसारखे आवश्यक उपाय केल्यास हृदयविकाराची तीव्रता कमी करता येते. बहुतेक प्रकरणांमध्ये असे दिसून येते की, लोक हृदयविकाराच्या झटक्याची लक्षणं ओळखू शकत नाहीत. यामुळे जेव्हा त्यांना हृदयविकाराचा झटका येतो, तेव्हा ते काहीही करू शकत नाहीत आणि परिस्थिती कधीकधी जीवघेणी बनते.
हृदयविकाराचा झटका येण्यापूर्वी घाम का येतो?
आपल्या हृदयाचे मुख्य कार्य रक्त पंप करणे आहे. शिरांमध्ये वाहणारे रक्त हृदय हे शरीराच्या प्रत्येक अवयवापर्यंत ऑक्सिजन वाहून नेते. परंतु, जेव्हा हृदयाला पुरेशा प्रमाणात ऑक्सिजन मिळत नाही, तेव्हा हृदयाला रक्त पंप करणे कठीण होऊ शकते. हृदयावरील दाब वाढल्यामुळे शरीराचे तापमान देखील असामान्यपणे वाढू लागते आणि परिणामी जास्त घाम येण्याची समस्या सुरू होते. कोणत्याही कारणाशिवाय (उष्णता, धावणे किंवा इतर परिस्थिती) तुम्हाला भरपूर घाम येत असल्यास, ताबडतोब तुमच्या आसपासच्या लोकांशी आणि डॉक्टरांशी संपर्क साधा.
हेही वाचा>>>
Child Health : पालकांनो सावधान! पावसाळ्यात लहान मुलं डेंग्यूचे सहज बळी होऊ शकतात, 'या' टिप्सच्या मदतीने घ्या विशेष काळजी
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )