Health : भारताची चिंता वाढली! मंकीपॉक्सचा दुसरा संशयित रुग्ण समोर, किती धोकादायक आहे? जाणून घ्या 

Health : WHO च्या माहितीनुसार, मंकीपॉक्सच्या संपर्कात आल्यानंतर 4 दिवसांच्या आत लसीकरण करणे आवश्यक आहे. 

Health : मागील काही वर्षात कोरोनाने (Corona) अवघ्या जगभरात थैमान घातल्याचे चित्र आपल्याला पाहायला मिळाले, त्यानंतर आता मंकीपॉक्सची (Monkeypox) रुग्णसंख्या दिवसेंदिवस वाढत असल्याने चिंता वाढली आहे. वर्ल्ड हेल्थ ऑर्गनायझेशन (WHO) नुसार, हा विषाणू शरीरातील द्रवपदार्थ, त्वचेवरील जखमा किंवा संक्रमित व्यक्तींच्या श्वसनाच्या थेंबांच्या थेट संपर्कातून पसरतो. सेंटर्स फॉर डिसीज कंट्रोल अँड प्रिव्हेन्शन (CDC) आणि WHO नुसार, मंकीपॉक्सच्या संपर्कात आल्यानंतर 4 दिवसांच्या आत लसीकरण करणे आवश्यक आहे. त्यामुळे हा संसर्ग होण्याची शक्यता बऱ्याच प्रमाणात कमी होते.

 

देशात मंकीपॉक्सचे दुसरे प्रकरण समोर

केरळमध्ये मंकीपॉक्सचा दुसरा संशयित रुग्ण समोर आला आहे. ज्यामुळे हा एक चिंतेचा विषय बनला आहे. यामुळे लोकांमध्ये खळबळ उडाली आहे. या विषाणूला पूर्वी मंकीपॉक्स म्हणून ओळखले जात असे. हा एक विषाणूजन्य रोग आहे, हा आजार ऑर्थोपॉक्स विषाणू वंशातील मंकीपॉक्स विषाणूमुळे होतो. हा रोग स्मॉलपॉक्ससारखा दिसतो.

4 दिवसात लसीकरण करा

वर्ल्ड हेल्थ ऑर्गनायझेशन (WHO) नुसार, हा विषाणू शरीरातील द्रवपदार्थ, त्वचेवरील जखमा किंवा संक्रमित व्यक्तींच्या श्वसनाच्या थेंबांच्या थेट संपर्कातून पसरतो. अंथरूण किंवा कपड्यांमधून, तसेच संक्रमित प्राण्यांच्या संपर्कात आल्यानेही ते पसरू शकते, असे सांगितले जात आहे. अशा परिस्थितीत त्यापासून संरक्षण करणे अत्यंत आवश्यक आहे. जेणेकरून त्याचा वाढता संसर्ग कमी करता येईल. रोग नियंत्रण आणि प्रतिबंध केंद्र (CDC) आणि WHO नुसार, मंकीपॉक्सच्या संपर्कात आल्यानंतर 4 दिवसांच्या आत लसीकरण करणे आवश्यक आहे. त्यामुळे हा संसर्ग होण्याची शक्यता बऱ्याच प्रमाणात कमी होते.

 

कसे रोखायचे?

मिळालेल्या माहितीनुसार, मंकीपॉक्स हा आजार नक्कीच धोकादायक आहे, पण कोविड-19 पेक्षा कमी वेगाने पसरणारा संसर्ग आहे. त्याच वेळी, ज्या लोकांना कांजिण्यावरील लसीकरण झाले आहे आणि त्यांना यापूर्वी कांजिण्या झाला आहे, त्यांना मंकीपॉक्सच्या संसर्गाचा फारसा धोका नाही. डॉक्टरांचा असा विश्वास आहे की, मंकीपॉक्समध्ये मृत्यूचे प्रमाण खूपच कमी आहे. बहुतेक रुग्ण दोन ते चार आठवड्यांत बरे होत आहेत. हा संसर्ग झाल्यास घाबरू नका, उलट ताबडतोब लसीकरण करा. इतर लोकांच्या संपर्कात येणे टाळा. हे टाळण्यासाठी वारंवार साबणाने हात धुवा आणि आजूबाजूच्या स्वच्छतेची विशेष काळजी घ्या.

 

संक्रमित व्यक्तीशी संपर्क टाळा

मंकीपॉक्सची लक्षणे कोणत्याही व्यक्तीमध्ये दिसल्यास त्यांच्यापासून अंतर ठेवा आणि त्यांच्याशी थेट संपर्क टाळा. तसेच या विषाणूपासून बचाव करण्यासाठी मास्क वापरा. हा संसर्ग टाळण्यासाठी माकड आणि उंदीर या प्राण्यांपासून दूर राहा. अशा वेळी भरपूर पाणी प्या.

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )