Health : पावसाळ्यात डासांमुळे होणारे आजार झपाट्याने वाढतात. यामुळेच जगभरात आजकाल डासांमुळे होणाऱ्या अनेक आजारांची प्रकरणे झपाट्याने वाढू लागली आहेत. गेल्या काही दिवसांपासून ब्राझीलमध्ये चिंतेचे वातावरण आहे. कारण डास-माशी चावल्यामुळे होणाऱ्या ऑरोपूश नावाच्या संसर्गामुळे ब्राझीलमध्ये दोन जणांचा मृत्यू झाला असून, ही जगातील पहिलीच घटना आहे. या आजाराबद्दल सर्व काही जाणून घ्या..


 


या आजाराबाबत फार कमी लोकांना माहित


ब्राझीलमध्ये ऑरोपूश तापाबाबत गेल्या काही दिवसांपासून ब्राझीलमध्ये चिंतेचे वातावरण आहे. हा डास-माशी चावल्यामुळे होणारा आजार आहे, ज्याबद्दल फार कमी लोकांना माहिती आहे. डेंग्यूपासून ते वेस्ट नाईल व्हायरसपर्यंत, जगभरात विविध डासांमुळे पसरणारे आजार वाढत आहेत. दरम्यान, ब्राझीलमध्ये ओरोपौचे तापामुळे दोन मुलींचा मृत्यू झाल्याची बातमी समोर आली आहे. कमी लोकांना माहित असलेल्या आजारामुळे मृत्यूची ही जगातील पहिलीच घटना आहे. स्वत: ब्राझीलच्या आरोग्य मंत्रालयाने गुरुवारी याची पुष्टी केली. ऑरोपूश विषाणू एका प्रकारच्या लहान माश्या (मिडजेस) चावल्यामुळे पसरतो, तसेच तो डासांच्या माध्यमातून देखील पसरतो. एका वृत्तसंस्थेने घेतलेल्या मुलाखतीनुसार डॉ. मोहन कुमार सिंग यांच्याकडून या आजाराबद्दल सर्व काही जाणून घेऊया...


 


औरोपूश व्हायरस म्हणजे काय?


ऑरोपुश विषाणू (OROV) हे पेरिबुनियाविरिडे कुटुंबातील ऑर्थोबुनिया विषाणूपासून उदयास आले असल्याचे डॉक्टर स्पष्ट करतात. OROV प्रामुख्याने संक्रमित मिडजेसच्या माशीच्या चावल्यामुळे क्युलिकोइड पॅरेन्सिस मानवांमध्ये प्रसारित होते. याशिवाय, क्युलेक्स आणि ॲनोफिलीस प्रजातींच्या डासांमध्येही हे आढळते.


Oropouche तापाची लक्षणे


OROV संसर्गाची लक्षणे (Oropouche Fever Symptoms), ज्याला Oropouche Fever म्हणतात, साधारणपणे 4 ते 8 दिवसांनी दिसतात. हा रोग अनेकदा तीव्र आणि मर्यादित असतो, त्याच्या प्राथमिक लक्षणांमध्ये पुढील गोष्टींचा समावेश होतो:-


चक्कर येणे
तीव्र डोकेदुखी
सांधे दुखी
स्नायू दुखणे
थरकाप आणि थंडी वाजणे
अचानक उच्च ताप
प्रकाशाची संवेदनशीलता
काही वेळेस पुरळ
गॅस्ट्रोइंटेस्टाइनल लक्षणं जसे की मळमळ आणि उलट्या
गुंतागुंत
या आजाराने ग्रस्त बहुतेक रुग्ण एका आठवड्यात पूर्णपणे बरे होतात, परंतु थकवा आणि अशक्तपणा अनेक आठवडे टिकू शकतो. 


 


Oropouche तापाचे उपचार


Oropouche विषाणूमुळे होणाऱ्या संसर्गावर सध्या कोणतेही विशिष्ट अँटी-व्हायरल उपचार नाहीत. अशा परिस्थितीत या आजाराचे निदान करण्यासाठी आणि लक्षणे कमी करण्यासाठी खालील पद्धतींचा अवलंब केला जाऊ शकतो-


विश्रांती - शरीराला सावरण्यासाठी पुरेशी विश्रांती घेणे महत्त्वाचे आहे.
हायड्रेटेड राहणे - हायड्रेटेड राहण्यासाठी भरपूर द्रव प्या, विशेषतः जर तुम्हाला ताप असेल आणि घाम येत असेल.
औषध: ताप, डोकेदुखी आणि स्नायू दुखणे कमी करण्यासाठी, तुम्ही ॲसिटामिनोफेन किंवा आयबुप्रोफेन सारख्या वेदनाशामकांचा वापर करू शकता. 
मात्र कोणतेही औषध घेण्यापूर्वी कृपया आपल्या डॉक्टरांचा सल्ला घ्या.
गंभीर डोकेदुखी उद्भवल्यास, ताबडतोब डॉक्टरांशी संपर्क साधा.



Oropouche ताप कसा टाळायचा?


काही सोप्या उपायांच्या मदतीने डासांचे प्रमाण वाढण्यापासून रोखले जाऊ शकते. 
यामध्ये कीटकनाशकांचा वापर, साचलेले पाणी काढून टाकणे आणि अळ्यानाशकांचा वापर यांचा समावेश होतो.
डासांना चावण्यापासून रोखण्यासाठी, तुम्ही त्वचेवर डीईईटी, पिकारिडिन किंवा इतर प्रभावी घटक असलेले मच्छर प्रतिबंधकांचा वापर करू शकता.
डासांच्या चावण्यापासून तुमच्या त्वचेचे रक्षण करण्यासाठी, तुमचे शरीर झाकणारे लांब बाह्यांचे शर्ट, लांब पँट आणि मोजे घाला.
याशिवाय झोपताना मच्छरदाणीचाही वापर करू शकता.
विशेषतः ज्या भागांमध्ये OROV चा धोका जास्त असतो.
तुम्ही तुमच्या घराचा परिसर स्वच्छ ठेवून, जसे की साचलेले पाणी आणि कचरा काढून टाकून देखील डास टाळू शकता.


 


हेही वाचा>>>


World Lung Cancer Day : काय सांगता..! आता धूम्रपान न करणाऱ्यांनाही Lung Cancer चा धोका? कसा होतो हा कर्करोग? एका अभ्यासातून खुलासा


 


 


 


 


(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )