Curd In Winters : तुम्ही दही खाता का? जाणून घ्या हिवाळ्यात दही खाण्याचे अनेक फायदे 

Curd In Winters : दह्यामध्ये अनेक आवश्यक पोषक घटक असतात, ज्याचा शरीराला खूप फायदा होतो. दह्यामध्ये कॅल्शियम, प्रोटीन, व्हिटॅमिन बी12, व्हिटॅमिन बी-2, पोटॅशियम आणि मॅग्नेशियम यांसारखे पोषक घटक असतात.

Curd In Winters : आरोग्याच्या दृष्टीकोनातून दही अनेक पोषक तत्वांनी युक्त असते. दह्यामध्ये अनेक आवश्यक पोषक घटक असतात, ज्याचा शरीराला खूप फायदा होतो. दह्यामध्ये कॅल्शियम, प्रोटीन, व्हिटॅमिन बी12, व्हिटॅमिन बी-2, पोटॅशियम आणि मॅग्नेशियम यांसारखे पोषक घटक असतात. दही खाल्ल्याने शरीर आणि हाडे मजबूत होतात. दही अॅसिडिटी, ब्लोटिंग आणि गॅसपासून बचाव करण्याचे काम करते. प्रोबायोटिक-समृद्ध अन्न म्हणून देखील ओळखले जाते. दही आतड्यांचे आरोग्य राखण्यासाठी देखील खूप उपयुक्त आहे. पचनाशी संबंधित समस्या असलेल्या लोकांसाठी तर दही खूपच फायदेशीर ठरू शकते. परंतु, दही फक्त उन्हाळ्यातच खावे असे अनेकवेळा सांगितले जाते. परंतु, हिवाळ्यात देखील दही खाण्याचे अनेक फायदे आहेत.   

अनेक लोकांना दही उन्हाळ्यात खायला आवडते. मात्र, हिवाळ्यात सर्दी-खोकला होईल या भीतीने लोक ते खाणे टाळतात. पालकही मुलांना हिवाळ्यात विशेषतः रात्री दही खाण्यास मनाई करतात.  

पोषक तत्वांनी युक्त दही

हिवाळ्यात दही खाण्याविषयी असलेले अनेक समज-गैरसमज आहारतज्ञांनी खोडून काढले आहेत. "दही हे अतिशय पौष्टिक अन्न मानले जाते. त्यात चांगले बॅक्टेरिया जसे- लैक्टोबॅसिलस ऍसिडोफिलस, लैक्टोकोकस लैक्टिस, लैक्टोकोकस लैक्टिस क्रेमोरिस इ. आणि चांगल्या दर्जाचे प्रथिने असतात. दही खाल्ल्याने कॅल्शियम, मॅग्नेशियम, पोटॅशियम, व्हिटॅमिन B2 आणि B12 सारखे पोषक तत्व मिळतात, असे आहारतज्ञ सांगतात. 
 
हिवाळ्यात दही खाल्ल्याने आराम मिळतो. दही मेंदूमध्ये ट्रिप्टोफॅन नावाचे अमीनो ऍसिड सोडते, जे मेंदूच्या कार्यांना गती देण्यासाठी उपयुक्त आहे. असेही म्हटले जाते की, स्तनपान करणाऱ्या मातांनी दह्याचे सेवन टाळावे, कारण त्यामुळे आई आणि बाळ दोघांनाही सर्दी होऊ शकते. परंतु, यात काहीही तथ्य नाही. कारण फक्त दह्याचे पोषक घटक आईच्या दुधाद्वारे बाळापर्यंत पोहोचतात. यामुळे सर्दी किंवा संसर्ग होणार नाही, कारण आईच्या दुधात भरपूर इम्युनोग्लोब्युलिन असते.

हिवाळ्यात दही खाण्याचे फायदे

1. दही पचनास मदत करते. हे शरीरातील पीएच संतुलन व्यवस्थापित करते, जे ऍसिड तयार होण्यास प्रतिबंध करते. दही आम्लपित्त रोखून पचनास खूप मदत करते.

2. दह्यामध्ये अनेक गुण असतात. निरोगी आणि चमकदार त्वचेसाठी हे फायदेशीर आहे. त्वचेला कोरडेपणापासून वाचवण्यासाठी त्यात नैसर्गिक मॉइश्चरायझिंग घटक असतात. ज्या लोकांना गॅस्ट्रोइंटेस्टाइनल समस्यांमुळे मुरुमे होतात. दही त्यांच्यासाठी उपयुक्त ठरते.

3. दह्यामध्ये भरपूर जीवनसत्त्वे, मॅग्नेशियम, पोटॅशियम आणि प्रथिने असतात. लॅक्टोबॅसिलसची उपस्थिती धोकादायक जीवाणू आणि संक्रमणांना शरीरापासून दूर ठेवण्याचे काम करते. दह्यामध्ये असलेले व्हिटॅमिन सी सर्दी आणि खोकल्यावरील उपचारांसाठी एक चांगला उपाय आहे.